Hogusra 6:17 - Winnebego Bible Portions 1907

¹⁷ Egi horuxujre, ne nexji managre hihagra ninja hakjanena, rora harnaj jarnaga niamb‐ankhi maxi‐khuhanegi nagre, maisinsh hirekjege, egi jarnaga washara harnaj ma hihagregi nagre d’airekjanena.

Hogusra 6:17 Referans Kwoze

Hogusra 7:4

Hambra shagowihangi, ma hihagra harnishu hakjanena hambra kerepanajop egi hahera kerepanajop. Egi washa niambra jarnaga haura ma hihagreginagra maisinsh wahakjanena.

Lukga 17:27

Waruj‐hirena, egi rajgainena, hinug‐kanaghirena, kikanag wagigirena. Noah wajra hambisha hoikewegi ejipa, egi nijana jiarnaga harnaj mahujarna.

Hogusra 6:13

Egi Maura Noah wagena: Rora harnaj hosheja harninera joweharegi jina, mara wigishanara hoixji hirena, egi horuxujre maisinsh wahakjanena mara wakishu.

Hogusra 6:7

Egi Jehowa wena: Wankshigra waura maisinsh wahakje ma hihagreginagra, wankshigra egi wanoijgera egi washa kikurutira egi ahuirassa wangregi herera, hiakibarna wawau harnihera.

Matthaiga 24:39

Egi inke washara hisha hiperes‐ninank’u, ninjara jina egi harnaj warninena, hishge shesgekjanena Wankshig‐hinigra jigi.

Hogusra 9:9

Egi ne, horuxujwire, rohira hikisge waki harnira hakishu nikerewina, egi shige su washiniwira wakishu haghowarehire.

Hogusra 7:17

Egi nijara hambra kerepana‐jopaha ma hihagregi howa‐huwakshana, egi nira diragshana, egi wajra giharnakshana, egi managre wanghieja giharnakshana.

Hogusra 7:15

Egi she‐e Noah hirahirena waj‐eja rora harnaj nupshana niambanankhi.

Hogusra 2:7

Egi Jehowa Maura wankshig hisha una, makax mainja horusanaga egi pushje hopoxra horniharna wankshighoi hironiharna, egi wankshigjega naxiragra niamb‐jijena.

Hogusra 6:16

Wajra hirohamb jhu‐rakjena egi nab‐horushaj nubra hishankira wangeja gihas rakjena. Egi waj‐eja jhirobra ruhieja rakerekjena, egi hakohi mainja herejhu‐rarnaga egi hakohi wangeja hinup jhuanaga egi wangeja hakohi hidaui jhu‐rakjena.