Hogusra 49:22 - Winnebego Bible Portions 1907

²² Joseph na‐akarajge wojaisha herena. Na‐akarajge wojaisha ma‐ihijejeja haxebisha herena, akarajge warnira ini‐nawajag sanig‐eja howa‐hiarairena.

Hogusra 49:22 Referans Kwoze

Hogusra 41:52

Egi hinubra rashra Ephraim higena, Maura woja winge esge ma hawe harninegi.

Hogusra 46:27

Egi Joseph hinig‐wahira Egipt‐eja wagarninera naxiragra nupiwina. Jakob hojhira naxiragra harnajra Egipt‐eja hajirera kerepana‐shagowina.

Hogusra 48:16

Waxopini‐warajirejega, E niambwina washoshishigra harnaj, washophi howawire hojinjinigwira, egi rash harnira ne‐harninigigirekjawina, egi hianj‐wahara rash warninera Abraham egi Isaak. Egi woroha‐ninekjani‐hawina ma hihagregi.

Hogusra 48:5

Egi hinig‐waraga hinuwinka Ephraim egi Manasseh, e Egipt manegi warnigarni hirera kheni Egipt manegi hiranijini she‐e ne‐warnina, Ruben egi Simeon wawikisgaire ne‐warnikjanena.

Hogusra 48:1

Egi herena, washa de‐e hageja, hisha Joseph hogiragshana, horuxujre hianjraga howasharna. Egi Joseph hinig‐wahira hinuwinke warninena Manasseh egi Ephraim.

Hogusra 49:23

Shesgarnunige waguj‐phira wogiteg hirekjanena egi guj hiranaga, egi hosh’ig‐hirekjanena.

Hogusra 48:15

Egi Israel Joseph hophi howe rogiguna egi wena: Mau de‐e jowehieja hianj‐wahara Abraham egi Isaak maninena, Mau de‐e E jajaixji wankshig‐haira waruj hunk’una hamb‐de‐e hipa,