Hogusra 46:5 - Winnebego Bible Portions 1907

⁵ Egi Jakob Be‐er‐sheba‐eja nashinena. Egi Israel hinig‐wahira hianj‐hirera Jakob harutirena egi xununig warninera egi hijawi‐wahirera warutirena, e Pharaoh wawirutirekje hu‐wagigira.

Hogusra 46:5 Referans Kwoze

Hogusra 45:21

Egi Israel ninkjangra shesge hirena, egi Joseph hiraruti wawogarna, Pharaoh jagu ushira shesge‐hina, egi waunegi wawogarna.

Hogusra 45:19

Unishina, de‐e uwine, Egipt manegi hiraruti harnikarawire xununig washiniwira egi hijawi‐warawiga wishuruti‐kjawira, egi hianj‐rawiga hakaraniwige egi huwire.

Hogusra 45:27

Egi Joseph hoit’e warnira harnaj hogirag‐hirena, e jagu wawigera. Egi jaja hirarutira wajagi e Joseph huwahira hiruti hirekjera, Jakob hianj‐hirera naxirag harnira himashjana.

Hoixgara 7:15

Egi Jakob Egipt‐eja hina egi d’ena e‐hereanaga egi hianj‐hiwahiwira.

Hogusra 21:14

Egi Abraham hainixjinig kikawa‐ana egi waisgabduj rusanaga egi pex hisha ni hoshurna, egi Hagar hok’una k’ingigina egi ninkjangnigra, egi nige‐howare‐gigina egi hinugjega nigeowarena egi Be‐er‐sheba ma hojainainja howe horajena.