Hogusra 44:8 - Winnebego Bible Portions 1907

⁸ Horuxujre, shura pa iha waniwieja hiaewira Kana‐an mainja howaji shige warnigarni hajiwina. Jasge hawianaga hirukana hashinira hojhieja shura‐sga egi shurasi manuwishe?

Hogusra 44:8 Referans Kwoze

Matthaiga 19:18

Egi wagena: Hajananka? Jesus wena: Inke wankshig d’ehinianje, inke khikanag rushenianje, inke wamanunianje, inke washa retunk‐arnianje.

Hoihinab Wowagaxra 20:15

Inke wamanunianje.

Hogusra 44:7

Egi wagairena: Jagu‐u hirukana harnira hoit’e de‐e wa’eshe? Hisgexji ware washinira inke shesge hiraninana.

Hogusra 43:12

Egi shura hijane ruswige, egi shura pa washiniwi ihaijanank washini rakiriwira shige warni‐rawire, ningete hikaraishana wauineguni.

Hogusra 42:35

Egi wauinena para manra wakara‐giregaja, horuxujre, wangra jarnagaka pa warnineja shurara harushinankshana. Egi jaja e hereanaga egi hianj‐hirera shura harushinanka wajairegi naxirairena.

Hogusra 42:27

Egi hisha para kuruena hikiware hojhieja shungxetenajawaxetera harnira waruj hokarak’unkjege shurara hik’ena, horuxujre pa ihaija nakshana.

Hogusra 42:21

Egi wakigairena: Hisgexji wigishana hiniwingaja hinkhinubwira hawau, hajawina naxirag earnira najgetegra rokanara, jaja najokija wanga‐shiwiregi, egi inke harnaxguwinina, esge hawexji de‐e wangirajiwina.

Hogusra 43:18

Egi wangnanka naxirairena, Joseph hojhieja warnihagirege esge. Egi wairena: Jegeja pa hiwarniwieja shurara hoshu hakja hiwarningiwira, esge eegi wangarni hokawairawigaja washa hirakira wangogini‐kjanihawina, egi wangarni‐jimp‐kjanihawina, egi wang warnihi wangaukjanihawina, egi shige shungxete‐najawaxete hiwarniwira.