Hogusra 44:16 - Winnebego Bible Portions 1907

¹⁶ Egi Juda wena: Hirukana harnira jagu hiagekjawishe? Jagu hihekjawishe? Egi jasge hawianaga hakishib hikjawishe? Maura hiegaja ware washinira wigishana hirera. Horuxujre hirukana harniwira warnihi warnira winewina, ne‐winewianaga egi hisha niwirajgara harnije hierera.

Hogusra 44:16 Referans Kwoze

Hogusra 44:9

Ware washinara hajanga harnianje hish’egi d’ekjena, egi hishge hirukana harniwira wang‐warnihi hinikjawina.

Lukga 12:2

Washanisha harukainegi hahi harnaj jantinekjanena, egi jarnaga washara nuxawangi hahi wawiperes‐hirekjanena.

Hoixgara 2:37

Washa de‐e naxguinegi, najge warnineja howa‐hiarairena, egi Peter egi Apostel hijanera wawagairena: Wangra egi hikhinubwira jasge hakjanihawishe?

Matthaiga 7:2

Jagu wira‐erawigi, hiraeni‐hirekjanihawina. Egi wigus jagura hisha wiragiguswigi, hishge wigus e shige hinigigus‐hirekjanihawina.

Hogusra 44:32

Ware hashinira wikika‐wagaxshana hojinjinigra hawau jajiga eja wahena: Inke harnigarni hakirinigi egi hageja washa woishanara manegus jajiga hirawewinkje hihena.

Hogusra 37:9

Egi shige hohante hijaneisha hihantena egi wakhinubra wawogirag‐shana, egi wena: Horuxujwire shige hohante hisha hiahantena, egi horuxujwire, hambwira egi hahewira egi wiragoshgera hishankira‐hashana hiwakhuirena.

Hogusra 37:7

Horuxujwire, max‐eja waisgab hinusgij hajera egi horuxujwire waisgab horusgij harnira kikawa‐ana egi roja nashina, egi horuxujwire waisgab horusgij washiniwira hogigix nashinena egi waisgab horusgij harnira giwakhu hirena.

Hogusra 44:17

Egi Joseph wena: Hisgexji inke deshesge harninana, eshi hisha ni‐wirajgara harnije hierera, e warnihi harnikjanena, egi ne rashguni hianjrawiga eja howakarawire.