Hogusra 43:8 - Winnebego Bible Portions 1907

⁸ Egi Juda hianjra Israel wagena: Hojinjinigra hakishu reingigire, egi nashiwinge egi tekjawina, e wankshighiinkjawina egi inke hit’arnikjawina, ne‐winewianaga egi ne‐ninege egi shige xununig hiwarniwira.

Hogusra 43:8 Referans Kwoze

Hogusra 42:2

Egi wena: Horuxujwire, Egipt‐eja waisgabra ju‐ankshe aire naxguna, eja howarawire, egi eja washa hingiruwiwine, e nia‐ambwianaga egi inke jharnikjawina.

Hoihinab Wowagaxra 20:12

Karaishagre hianjraga egi hiuniraga, e s’i wankshigsh’inkjanena Jehowa Mau hashinira ma hornik’ura eja.

Hogusra 50:21

Esge inke naxirawinine, hiranikara‐kjanihawina egi xununig washiniwira. Egi warukheg‐shana, egi hit’e phi wirokitena.

Hogusra 50:8

Egi Joseph hojhieja herera harnaj, egi wakhinubra, egi hianjra hojhieja herera. Egi xununig warni hirera, egi jhasga warninera egi je warninera Goshen mainja wat’une harairena.

Hogusra 45:19

Unishina, de‐e uwine, Egipt manegi hiraruti harnikarawire xununig washiniwira egi hijawi‐warawiga wishuruti‐kjawira, egi hianj‐rawiga hakaraniwige egi huwire.

Hogusra 44:26

Egi wahawina: Inke re‐duxurug‐winina. Hakhinubwi xunura hakishu tekjawigi, tawinana, wang‐jega hishja harnira inke hajarni‐kjanihawina inke hakhinubwi xunura hakishu tawinigi.

Hogusra 42:38

Egi Jakob wena: Hinig‐hara inke harnikishu ranikjanihawina, khinubra d’ena egi inekhi hotarna, horawasharawiga eja washoshishig howegi, egi najura san najgeteg rokana wanaxomigra jawehina‐kjanihawina.

Hogusra 44:20

Egi hirukana harniwira wagawina hisha hianj hawina, wangnunig hisha, egi ninkjangnig hisha shag‐kaja harnira xunuxjira, egi khinubra d’ena, egi eshana hotarna hiunira warnira egi hianjra wogixetena.