Hogusra 37:5 - Winnebego Bible Portions 1907

⁵ Egi Joseph hohanteisha hihantena, egi wakhinubra wawogirag‐shana, egi she‐e hawau hiraijera hoshig’hirena.

Hogusra 37:5 Referans Kwoze

Hogusra 28:12

Egi washin hantena, egi horuxujre mainja hirotisha kererena, egi hissawara wangeja hirakerena. Egi horuxujre Maura waxopini‐warajire warnira harnukanag‐nankshana egi hogiti‐nankshana.

Johnga 17:14

Hoit’e hashinira wagarna, egi managre wosh’igshana, inke manegi hereraninge esge, inke manegi hereaninige hiakisgena.

Hogusra 42:9

Egi Joseph washa hihante‐nihera wawewina e wawihantera, egi wawagena: Waishja raniwina. Managre nige gihas‐nankhi hashjara‐jiwina.

Hogusra 37:4

Egi jaja wakhinubra hajairegi, hianj‐hirera Joseph hiraijera wogixetera, wakhinubra horujishiregi, Joseph hoshig’hirena, egi hinke wanaishguni hokit’e ruxurug hiranina.

Hogusra 49:23

Shesgarnunige waguj‐phira wogiteg hirekjanena egi guj hiranaga, egi hosh’ig‐hirekjanena.

Hogusra 41:1

Egi herena ma nupahanaga hagregi Pharaoh washi hantena, horuxujre ni‐jejeja nashinjena.

Hogusra 40:5

Egi hinuinke hohantera hishashana hihantewina, hahe hishankira, Egipt hungra rajga wogara egi waisgab‐duji warnira e jhi‐wornasse hojhi‐ejanagra, washara hishashana hihante hirena, egi hohantenanka washara hishashana wagairena.

Hogusra 37:8

Egi wakhinubra wagairena: Jasge hung harniniwianaga, hinshurukana‐kjanihawishe? Egi shige hiraijera hoshig’hirena, hohante harnira hawau, egi hoit’e warnira.

Hogusra 31:10

Egi herena jaja wanoijgera hikiruxera higirerera, wotuxuj‐shana egi hohanteja hajarna, egi horuxujre jharnaxwangra e wanoijgera wawikiruxena kirikirish, hokerekeresh‐xete egi kerekeresh‐nig wauinena.

Hogusra 31:11

Egi Maura waxopiniwarajire harnira hohanteja hunkit’ena, wena: Jakob, egi wahena: Eegi hajena.

Hogusra 37:6

Egi wawagena: Naixji harnanaxguwi‐sheshi hohante de‐e hiahantena.

Hogusra 20:3

Eshi Maura Abimelex hirajina haheregi hihantehina, egi wagena: Horuxujre, jasgegi shjekjanena hinug waragishurusga hawau, hikhana‐juisha herena.