Hogusra 36:2 - Winnebego Bible Portions 1907

² Esau hijawi‐wahira Kana‐an hinugra wakurussana, Adah, Elon hinugra Hittit wankshig hisha, egi Aholibamah Anah hinugra Sibeon hijushangra Hewit wankshig hisha.

Hogusra 36:2 Referans Kwoze

Hogusra 36:25

Egi Anah ninkjang warnira de‐e hererena: Dishon egi Aholibamah Anah hinugra.

Hogusra 28:9

Esge Esau Ishmael‐eja howarena, egi hijawi wahira Mahalath hirassa russana Ishmael hinugra, Abraham hinigra Nabajoth hinug‐jabra khanagshana.

Hogusra 27:46

Egi Rebekah Isaak wagena: Wankshig‐ra hinjgena, Heth hinugwahira hawau. Jakob Heth hinugwahira hisha khanakhi, managre eegi hinug hiranagre shesgera, wankshig‐hoi harnira jagu phi hingiunkjaneshe?

Hogusra 9:25

Egi wena: Kanaan washoshishig howekjena, wakhinubra ware warnira ware harninekjanena.

Hogusra 36:3

Egi Bashemath Ishmael hinugra Nebajoth hinugjabra.

Hogusra 36:14

Egi de‐e Aholibamah hinig‐wahira hererena: Anah hinugra Sibeon hijushangra, Esau hijawira, egi e Esau Jeush hagarnina egi Ja‐alam, egi Korah.

Hogusra 36:24

Egi de‐e Sibeon ninkjang warnira hererena: Ajah egi Anah. Anah de‐e rena ma‐i dakaj mojainainja hiena, hianjra Sibeon shungxete‐najawaxete warnira wakana wagigijau.