Hogusra 33:18 - Winnebego Bible Portions 1907

¹⁸ Egi Jakob rashguni Shalem jhinag Shexem‐eja kirina, e Kana‐an mainja herena, jaja Mesopotamia eja howakirigi. Egi jhinag joweja jhi kik’una.

Hogusra 33:18 Referans Kwoze

Hoixgara 7:16

Egi Sixem‐eja warniahirena egi warnaxi‐hoshueja wot’umbhirena, e Abraham Emmor hinigwahira shura wawigiruwina Sixem‐hianj‐hirera herena.

Johnga 4:5

Egi jhinagisha hirahina Samaria‐eja, e Sixar higairera, Jakobga hinigra Joseph maxnige hokarakura hiwusunsh herena.

Hogusra 25:20

Egi Isaak ma kerepana‐jopahangaja egi Rebekah khanagshana, Bethuel Sirian wankshig‐hisha Mesopotamia hajhisha hinugra, Laban Sirian wankshig‐hisha hinug‐jabra.

Johnga 3:23

Egi Johnga hishge ni‐wawaxunjena Aenon‐eja Salim hiwusunj‐eja, nira eja junge esge, egi hahirega ni‐wawaxunankshana.

Hogusra 46:15

De‐e Lea hinig‐wahira hererena, e Mesopotamia‐eja Jakob wagarnina egi hinugra Dinah hirassa hagarninena. Hinig‐wahira egi hinug‐wahira harnajra kerepana‐danianaga dani‐hashanana.

Hogusra 35:9

Egi Maura Jakob shige jantin‐gikhina Mesopotamiaeja howakiri‐anaga hagregi, egi washophi howe rogiguna.

Hogusra 28:2

Nashine, Mesopotamia‐eja howarare, Bethuel hojhieja hiuniraga hianjra, eja hinug‐khanag‐gaje Laban hinugwahira hisha hiuniraga khinubra.

Hogusra 12:6

Egi Abram mara howaregi Sixem eja hina, nanojaija Moreh higairera. Egi Kana‐anitra ma‐eja nankshana.

Hogusra 37:13

Egi Israel Joseph wagena: Jasge hinke warakhinubra Shexem‐eja wanoijge hirakara harairanishe? Hure, eja howare ningigikjena egi Joseph wagena: Egi hajena.

Hogusra 48:7

Egi ne, jaja Mesopotamia‐eja hura, Raxel hingit’ena Kana‐an mainja naguregi haji, Ephrat hiwusunsh hajigaja, egi Ephrat nagu hirakereja haxena, Bethlehemra erena.

Hogusra 31:25

Egi Laban Jakob hoxerena. Jakob xeja hagijhinak’un, egi hishge Laban wakhinubra wakarakishu Gilead xeja jhi‐kik’una.