Hogusra 28:19 - Winnebego Bible Portions 1907

¹⁹ Egi ma‐she‐e rashra Beth‐el higena, eshi jhinag she‐e jegeja Lus rashra higairena.

Hogusra 28:19 Referans Kwoze

Hogusra 48:3

Egi Jakob Joseph wagena: Mau homashjara harnaj harnira Lus Kana‐an mainja janti hingikhina egi najunjana,

Hogusra 35:1

Egi Maura Jakob wagena: Nashine egi Bethel e howarare, egi eja jhiaje. Egi Altar hisha Maura giuanje E eja janti‐ningikhina, Esau rakhinubra ragigiasregi.

Hogusra 12:8

Egi eja gixanarena xeisha ejanakhi Bethel wiaxebhueja hina egi eja jhina Bethelra wihoirejanakshana egi Ai wiaxebhuejanakshana egi eja nabharuxaj haura Jehowa giuna egi Jehowa rashra rajshana.

Hogusra 28:11

Egi ma‐eja nige hina egi eja haiserej hiwusharna, wira hirege esge. Egi ini eja rus‐anaga egi wipei kik’una, egi eja ming‐anaga nana.

Hogusra 31:13

Maura newinena Bethel‐eja janti‐ningikhira, hajinja wijantira wikini hashawaxura, egi hajinja washa manaj hisha mainagisharajra. Egi shegunegi nashine, ma‐tegi nige howakarare egi washa‐warara ma harnineja hakja howakarare.

Hogusra 35:6

Deshesge Jakob Lus‐eja hina, Kana‐an mainja herena, Bethel higairera, e hereanaga egi wankshigra jarnaga hakishunankhi harnaj.

Hogusra 35:14

Egi Jakob wijanti una hajinja hokit’era, inisha wijanti‐kerena, egi washa‐rajga nab‐hiruxaj hihageja hawaxuna, egi wikini hihageja hawaxuna.

Hogusra 35:15

Egi Jakob ma hajinja Maura hokit’era rashra Bethel higena.

Hogusra 35:7

Egi eja nab‐haruxaj haura una, egi ma‐she‐e El‐beth‐el higena. Maura eja jantin‐gikhinge esge, khinubra gigias niharegi.