Hogusra 28:13 - Winnebego Bible Portions 1907

¹³ Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.

Hogusra 28:13 Referans Kwoze

Hogusra 13:15

Mara jasgexji hashjaga hornik’unkjanena egi su hashinira manegus.

Hogusra 48:3

Egi Jakob Joseph wagena: Mau homashjara harnaj harnira Lus Kana‐an mainja janti hingikhina egi najunjana,

Hogusra 35:12

Egi mara Abraham egi Isaak wak’ura ne hornik’unkjanena egi su hashinira hag‐raija herera mara wak’unkjanena.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 12:7

Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

Hogusra 35:1

Egi Maura Jakob wagena: Nashine egi Bethel e howarare, egi eja jhiaje. Egi Altar hisha Maura giuanje E eja janti‐ningikhina, Esau rakhinubra ragigiasregi.

Matthaiga 22:32

Abraham Mau harnira newinena, egi Isaak Mau harnira egi Jakob Mau harnira. Maura inke d’arnankhi Mau harniranina eshi niambnankhi harninena.

Hogusra 46:3

Egi wena: Maura ne‐winena, hianjraga Mau harnira. Egipt‐eja howarera inke nakawarnine, eja wankshighowajehi xete niunkjanege.

Hogusra 35:17

Egi herena, wojexi harus‐nank’un, egi ninkjang hornagra wagena: Inke naxiranine, hojinjinig de‐e shige hashinikjanena.

Hogusra 32:9

Egi Jakob wena: Jaji Abraham Mau harnira egi jajiga Isaak Mau harnira Jehowa, e waigena, ma hashinieja hakja howakarare egi washa‐waraija, egi phi ningigikjanena.

Hogusra 31:42

Jajiga Mau harnira egi Abraham Mau harnira egi Isaak hisha nakewera inke hinkishu unijegi, jasgegi rokani kerehinagiginana. Hawera Maura hingijarna egi wore harnira, egi xjarnane hahere naj‐hinisgina.

Hogusra 28:4

Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.

Hogusra 26:3

Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 15:1

Egi washa de‐e hageja Jehowa hoit’e Abram washanja higiu hirajihina, wena: Abram inke naxiranine, hinuwang hashinira Newinena egi woirowe rokana xete hashinira Newinena.

Hoixgara 7:5

Egi inke washa hoishjane hok’unina, inka, inke sihakerekjera reshge, shesgarnunige harnikjaneshe mangirajshana, egi su warnira hageja wankshiginegi, kheni ninkjang washa harninijanunige.

Hogusra 35:15

Egi Jakob ma hajinja Maura hokit’era rashra Bethel higena.

Hogusra 13:17

Nashianage egi mara hiroha howarare egi haruje howarare, she‐e hornik’unkjanena.

Hogusra 15:18

Egi hamb‐eja Jehowa Abram rohira hikisge khina, wena: Su washinira ma de‐e wagarna, Egipt nishanag‐eja hura nishanag xeteja hipa, Euphrat ni‐eja.

Hogusra 31:5

Egi wawagena: Hianj‐rawiga hishja harnira, inke jorni hapahira jasge‐shunura shesgarnira, eshi jajiga Mau harnira hinkishu unjena.

Hogusra 31:13

Maura newinena Bethel‐eja janti‐ningikhira, hajinja wijantira wikini hashawaxura, egi hajinja washa manaj hisha mainagisharajra. Egi shegunegi nashine, ma‐tegi nige howakarare egi washa‐warara ma harnineja hakja howakarare.

Hogusra 31:53

Abraham Mau harnira egi Naxor Mau harnira egi hianj‐wahirera Mau harninera, hojakena hihiregi hophira wangingekjanena. Egi Jakob hianjra Isaak hisha nakewera e wihohi hiuna.

Hogusra 32:10

Jarnaga naj‐hiroirajara worujis‐jira inke hiakisgarnina, egi wogisogra harnaj, e ware hashinira ragisha‐wahara. Hissagu harninashana hakarani Jordan de‐e hatujera, egi shegunegi hornihe nup harnigaja.