Hogusra 27:41 - Winnebego Bible Portions 1907

⁴¹ Egi Esau Jakob hosh’igshana naj‐hojainege hianjra naj‐hojara hawau. Egi Esau najge harnieja wena: Hamb jajiga hagixaigjera hiwusunsh hotagi, egi eja hakhinubra Jakob d’ehakje.

Hogusra 27:41 Referans Kwoze

Hogusra 37:4

Egi jaja wakhinubra hajairegi, hianj‐hirera Joseph hiraijera wogixetera, wakhinubra horujishiregi, Joseph hoshig’hirena, egi hinke wanaishguni hokit’e ruxurug hiranina.

Hogusra 37:8

Egi wakhinubra wagairena: Jasge hung harniniwianaga, hinshurukana‐kjanihawishe? Egi shige hiraijera hoshig’hirena, hohante harnira hawau, egi hoit’e warnira.

Hogusra 32:6

Egi woragra Jakob hakja hirakiri‐rena, wairena: Rakinubra Esau eja hahiwina, egi higuana hinikipa jikjanena, egi wangra hogihi‐jop hakishu.

Hogusra 35:29

Egi Isaak hokikurushagshana egi d’ena, egi wankshig warnira eja stoirena, shagjina egi wankshig‐ina hipanana. Egi hinig‐wahira Esau egi Jakob xairena.

Hogusra 32:11

Niamb‐wine ningitarna, hakhinubra nab harnieja, Esau nab harnieja. Nakewege. Nigete jiarnaga maisinjwiege egi hiunihirera ninkjangra wakarakishu.

Hogusra 27:42

Egi Rebekah hogirag‐hirena hinig‐hi xetera Esau hoit’e de‐e waegi. Egi rewagigina, hinig‐hi xunura Jakob gigoirena, egi wagena: Horuxujre rakhinubra Esau winakewenina d’enikjane hirena.

Hogusra 32:3

Egi Jakob woragra joweja khinubra Esau‐eja howarewagigina Seir mainja Edom mowagax‐eja.

Hogusra 50:2

Egi Joseph ware warnira makhanira un‐washina hianjra rora makha hawaxu‐hirekjege. Egi makhaninanka Israel rora makha hawaxunena.

Hogusra 37:18

Egi jaja hari rahau hajairegi, kheni wawiwusunsh hini, khikarahe hirena d’ehirekjege.

Hogusra 50:15

Egi jaja Joseph wakhinubra hajairegi hianj‐hirera d’egi, wairena: Joseph nigete wangoshigwiege, egi jasgegi nishgeaga harnaj washa hirohire wangagiun‐kjanihawina, e hiwagiu harnihera.