Hogusra 25:11 - Winnebego Bible Portions 1907

¹¹ Egi herena Abraham d’arnaga hageja, Maura Abraham hinigra Isaak najojana. Egi Isaak niwagu niambra wajara higairera hijejeja jhina.

Hogusra 25:11 Referans Kwoze

Hogusra 22:17

Naj‐wiroja, naj‐hironijankjanena egi‐roha‐hagi, su hashinira roha hakjanena, wangregi wiragoshgenagre hikhina, egi teja hijejeja pusake‐nanka wawikhina ninkjanena, egi su hashinira hosh’ighire warnira jhirobra wagarnikjanena.

Hogusra 16:14

Esge ni‐wagujega ni‐wagu niambjera E wajajera higena. Horuxujre Kades egi Bared hojakenainja herena.

Hogusra 24:62

Egi Isaak huna ni‐wagu niambra wajara higairera eja huna, ma wiorojanje eja jhina.

Hogusra 17:19

Egi Maura wena: Hijawinaga Sarah hisgexji hojinjinig hisha harnigarnikjanena egi rash sharagi Isaak hiragekjena egi rohira hikisge wakhi harnira hakishuunje hakjanena, manegus rohira hikisge wakhi hisha herena egi e su warnira hag howarehiga.

Hogusra 12:2

Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.

Hogusra 50:24

Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.

Hogusra 12:3

Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Hogusra 26:3

Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 24:35

Egi Jehowa hirukana harnira washophi howehira rokana wagiuna, egi rokana jijena, egi jhasga hok’una egi je egi shurasga egi shurasi egi wang‐ware egi hinug‐ware, egi wanoijge‐huxashog egi shungxete‐najawaxetera.

Hogusra 26:12

Egi Isaak ma‐eja max‐hoshurna egi ma‐eja hogihisha hawinj rus‐shana, egi Jehowa washophi howehina.