Hogusra 24:67 - Winnebego Bible Portions 1907

⁶⁷ Egi Isaak Rebekah harni‐hoikewena hiunira Sarah hojhieja, egi Rebekah rus‐shana egi e hijawi hijijena, egi wogixetena. Egi Isaak rukheg‐hirena hiunira d’era hawau.

Hogusra 24:67 Referans Kwoze

Hogusra 38:12

Egi hahi s’i‐regi Shua hinugra Juda hijawina d’ena. Egi jaja Juda xagra rashjangi jhasga‐hin wagirujgis warnieja howarena Timnath‐eja e hereanaga egi hijakorohira Hirah Adulamit wankshig‐hisha.

Hogusra 37:35

Egi hinig‐wahira harnaj egi hinug‐wahira harnaj nashirarnaga rukheg‐hirena. Eshi rukheg‐hirera roxina egi wena: Hinig‐hara hagixag hajau wanaxi homig‐eja hahikjanena. Deshesge hianjra Joseph gixagshana.

Hogusra 29:18

Egi Jakob Raxel wogixetena egi wena: Ma shagowiha warnigitegi Raxel woirowera e hingiregi hinugra xunura.

Hogusra 25:20

Egi Isaak ma kerepana‐jopahangaja egi Rebekah khanagshana, Bethuel Sirian wankshig‐hisha Mesopotamia hajhisha hinugra, Laban Sirian wankshig‐hisha hinug‐jabra.

Hogusra 18:6

Egi Abraham hikuhe jhieja hoikewena Sarah hiragina egi wena: Xapge higige waisgab phira horuj dani une wasibge egi duj‐wahire.

Hogusra 24:66

Egi waranaka washa jagu ungi harnaj Isaak hogiragshana.

Hogusra 25:1

Egi Abraham shige hinug‐khanagra egi hijawira Ketura higairena.