Hogusra 24:28 - Winnebego Bible Portions 1907

²⁸ Egi hinugjega nuwangshana egi washan de‐e hiunira hojhieja herera wawogiragshana.

Hogusra 24:28 Referans Kwoze

Hogusra 31:33

Egi Laban Jakob hojhieja hokewena, egi shige Lea hojhieja egi hinug‐ware nup hajega hojhireja eshi inke washa hienina. Egi Lea hojhieja hihinabshana egi Raxel hojhieja hokewena.

Hogusra 24:67

Egi Isaak Rebekah harni‐hoikewena hiunira Sarah hojhieja, egi Rebekah rus‐shana egi e hijawi hijijena, egi wogixetena. Egi Isaak rukheg‐hirena hiunira d’era hawau.

Hogusra 24:55

Egi Rebekah khinubra egi hiunira wairena: Hinugnigra hamb‐jarnahangi hakarakishu un hingigiwire nigeshge hamb kerepanaisha, she‐e hageja rekjena.

Hogusra 24:48

Egi pakhuanaga egi Jehowa hagikarajshana egi Jehowa Mau hirukana harnira Abraham harnira tajankshana, E houna phihi hingigina hirukana harnira khinubra hinugra hinigra khanaikjera.

Hogusra 29:12

Egi Jakob Raxel hogiragshana hianjra hijushgera waunjegi egi Rebekah hinigra waunjegi. Egi Raxel nuwangshana egi hianjra hogiragshana.

Hogusra 24:29

Egi Rebekah hisha khinubshana Laban higairena. Egi Laban wangjega eja hornuwangshana ni‐wagueja.