Hogusra 22:23 - Winnebego Bible Portions 1907

²³ Egi Bethuel Rebekah hagarninena. Haruang de‐e Milkah Naxor wagarninena Abraham khinub.

Hogusra 22:23 Referans Kwoze

Hogusra 24:15

Egi herena, kheni hit’et’era rashjani, horuxujre Rebekah huhena, Bethuel hagarninera, Milkah hinigra Naxor hijawira, Abraham khinubra, ni‐rusra hinejeja hakereanaga.

Hogusra 28:5

Egi Isaak Jakob nige‐howaregigina, egi Mesopotamiaeja howarena, Laban‐eja Bethuel hinigra, Sirian wankshig‐hirena, Rebekah khinubra, Jakob egi Esau hiunihirera.

Hogusra 28:2

Nashine, Mesopotamia‐eja howarare, Bethuel hojhieja hiuniraga hianjra, eja hinug‐khanag‐gaje Laban hinugwahira hisha hiuniraga khinubra.

Hogusra 25:20

Egi Isaak ma kerepana‐jopahangaja egi Rebekah khanagshana, Bethuel Sirian wankshig‐hisha Mesopotamia hajhisha hinugra, Laban Sirian wankshig‐hisha hinug‐jabra.

Hogusra 24:67

Egi Isaak Rebekah harni‐hoikewena hiunira Sarah hojhieja, egi Rebekah rus‐shana egi e hijawi hijijena, egi wogixetena. Egi Isaak rukheg‐hirena hiunira d’era hawau.

Hogusra 24:60

Egi Rebekah washophi howe‐rogiguinena, egi wagairena: Ne hinugnik‐jabwina worohanje hogihixete hogihiwanganunig ranikjena egi su washinira wawosh’ighirera jhinag‐jhirob harninera wagarni wagigire.

Hogusra 24:51

Horuxujre Rebekah joweraregi‐nankaja, rusre, egi karare, egi hirukana hashinira hinigra khanag‐gigire, Jehowa era shesge.

Hogusra 24:47

Egi hiagipaxshana egi wagena: Peshe hinugra nineshe? Egi wena: Bethuel hinugra, Naxor hinigra e Milkah hagarnira. Egi peja howehi gisra hija howeagigina egi aipara hija hiagiuna.

Hogusra 24:24

Egi hinugjega wena: Bethuel hinugra newinena Milkah hinigra Naxor e hagarninera.

Hogusra 11:29

Egi Abram egi Naxor hinug khanag hirena. Abram hijawira rashra Sarai higairena. Egi Naxor hijawira rashra Milka higairena, Haran hinugra e Milka egi Jiska hianjra.

Hogusra 22:22

Egi Xesed egi Haso egi Pildash egi Jidlaph egi Bethuel.

Hogusra 22:24

Egi hijawi wakuruxe harnira Reuma higairena, hishge ninkjang harnina Teba egi Gaham egi Thahash, egi Ma‐axah.