Hogusra 22:12 - Winnebego Bible Portions 1907

¹² Egi wena: Inke nab hashinira hojinjinigra hat’umbnine, egi inke shige washanisha giunine. Shegunegi hiaperesgaja Maura nanakewera, hajhagaja hinigraga inke hara‐kurukosnina, hinigraga eshana herera.

Hogusra 22:12 Referans Kwoze

Matthaiga 19:29

Egi jarnaga jhira egi wakhinubra egi hinugwajabra egi hianjra egi hiunira egi hijawira egi ninkjangnigra egi mara wat’unegi rash harnira hawau waungi, hogihisha hawinjeja hirogiwekjanena, egi wankshig‐hoi hisgejara harnikjanena.

Hogusra 26:5

Abraham ho‐harnira harnaxgunge esge, egi wohokhu harnira hingiunge, egi u‐washi harnira, egi woshga harnira, egi woehi harnira hingiunge.

Hogusra 22:2

Egi wena: Hinigraga rusre hinigra eshana herera Isaak, e woragixetera, egi Moria mainja howarare, egi eja nab‐hiruxajhaje nab‐hiruxaj‐taxuhi, xeisha hihageja e hornigitaikjanena.

Johnga 3:16

Hisgexji Maura managre wogixetera deshesgena, Eshana Hinigra herera wogarna, higu peshe harnaxgungi inke d’arnikjanena, eshi wankshighoi hisgeja unkjanena.

Hoixgara 9:31

Egi hageja stora rashguni uinena Judea harnaj egi Galilea egi Samaria egi xetearahairena, egi Hirukanara nakewe maninankshana egi Naxirag Wakanjangra warukhegnankshana, egi roha harahairena.

Hoihinab Wowagaxra 20:20

Egi Mosesga wawagena, wankshig‐nanka, inke naxirawinine, Maura hiniunja jiwina, egi Maura hornakewe harnira jowerawieja hashjawigi, inke washinohire sh’unikjawige.

Matthaiga 16:24

Egi Jesus wironag warnira wawagena: Hisha hiroinaikjegi, kikurushjarehikjena egi nanamihera kurusanaga egi hiroinaikjena.

Hogusra 20:11

Egi Abraham wena: Jasgegi Mau nakewera ma‐degi inke harni‐hairaniguni, hiarege esge, egi d’ewinekjane hijawihara hawau.

Matthaiga 5:16

Deshesge‐hiwire hohamb washiniwira wankshig jowehireja hatasha wakarakerewire, worephi washiniwira warnigija‐hirekjawina egi Hianjrawiga wangreginagre sharajangikjawina.

Hogusra 42:18

Egi Joseph hamb hidani‐hanegi wawagena: Mau nakewe harnina esge washan de‐e u‐winge, niambwire.

Hogusra 22:13

Egi Abraham gisijshana egi woruxujshana, egi horuxujre nakehieja jhasga‐wang hisha nanksigeja hera hirokarakjena. Egi Abraham ranaga egi jhasga wangjega rus‐shana, egi nab‐hiruxajshana nab‐hiruxaj‐taxuhi hinigra hornakshi.

Hogusra 22:16

Egi wena: Nexji wihohi hiakik’una, Jehowa wena, washa de‐e sh’unge esge, egi hinigraga inke harakurukosnige, hinigraga eshana herera,