Hogusra 19:17 - Winnebego Bible Portions 1907

¹⁷ Egi herena, jaja hihinab‐harninegi wagena: Giasre niambnaine, inke hakjamb‐nianje, inke shige hosunsh‐eja unjanianje, xeja hogiasre inke ne‐shjarnikjege.

Hogusra 19:17 Referans Kwoze

Lukga 9:62

Egi Jesus wagena: Hisha mainupurueja harukosanaga egi hakjampgi, inke Maura hungma harnieja here phininana.

Hogusra 19:26

Eshi hijawira hageja uankhi hakjambshana egi nisgujijena.

Hogusra 19:22

Xapge higire eja hogiasre, inke washara hisha haunikjanena hebregi hijarahigi hipa. Esge jhinag‐anaka rashra Soar higairena.

Matthaiga 3:7

Eshi jaja Pharisera egi Sadusera roha niwawaxu harnieja hahiregi, wawagena: Wakhan wankshighii‐harajane, peshe hornigiragwigaja howogitegra jikjanegi ragigiaswishe?

Hogusra 13:10

Egi Lotga horuxujre‐hina egi Jordan mara harnaj horuxujshana egi hajarna hajinja herera ni jura Jehowa kheni Sodom egi Gomorah maisinsh wahini, Jehowa max harnira hikisgena, Egipt mara hikisgena, Soar eja hipa.

Hogusra 18:22

Egi wanganaka eja harairena, egi Sodom e hapahirena, eshi Abraham Jehowa jowehieja higu nashinjena.

Hogusra 14:10

Egi Siddim hosunshra rexoro wiraraax mopoxra rokanana. Egi Sodomra egi Gomorahra hung warninera giashirena egi eja warnainena egi jarnaga hotagi xeja hogiashirena.

Hogusra 19:18

Egi Lotga wawagena: Hirukana harnixji inke shesgarnikjena.

Hogusra 19:30

Egi Lotga Soar‐eja nigiowarena egi xeja jhina, egi hinugwahira hinuinke wakarakishu Soar‐eja jhira nakewege egi nish‐hopoxeja jhina e hereanaga egi hinugwahira hinuinke.

Lukga 12:23

Waruj‐jane inke e hiraijeranina, wankshighoira e hiraijerana egi wainira inke e hiraijeranina, rora e hiraijerana.