Hogusra 19:14 - Winnebego Bible Portions 1907

¹⁴ Egi Lotga hihinabanaga egi watohojhi wajabra wawokit’ena hinugwahira wakishurekjanegi egi wena: Nashiwine ma‐degi hihinabwire Jehowa jhinag de‐e maisinsh‐hikjanege esge. Eshi watohojhi wajabra warashij‐waje hiranainena.

Hogusra 19:14 Referans Kwoze

Hoixgara 17:32

Egi jaja d’era hakhiha wankshigine naxguinegi, hota igixjairena, egi hijanera wairena: Washa de‐e shige nanixgukjawina.

Lukga 24:11

Egi hoit’e warninera, wowonk we wiranainena, egi inke warnaxguinanina.

Matthaiga 9:24

Wawagena: Rukhowire, hinugra inke d’arniankshana eshi na‐nankshana. Egi waixjairena igixja.

Lukga 9:42

Egi hugaja waxopinishishigra mainja hot’unena egi ruksunksunjshana. Egi Jesus naxirag shishigjega najisgina, egi ninkjangjega rushjahina, egi hianjra shige hokaraikuna.

Matthaiga 1:18

Egi Jesus Kristus jhuinera deshesge hirena: Jaja hiunira Maria Joseph khanaikjane manajgi, kheni khikanag hirani, hinugjega waujganag‐jau hierena, Naxirag Wakanjangra wauna.

Hogusra 19:22

Xapge higire eja hogiasre, inke washara hisha haunikjanena hebregi hijarahigi hipa. Esge jhinag‐anaka rashra Soar higairena.

Hogusra 19:17

Egi herena, jaja hihinab‐harninegi wagena: Giasre niambnaine, inke hakjamb‐nianje, inke shige hosunsh‐eja unjanianje, xeja hogiasre inke ne‐shjarnikjege.

Hogusra 19:15

Egi jaja haini hakirigi waxopiniwarajire‐nanka Lotga hirawashij‐hirena, wairena: Nashine, hijawinaga rusanaga egi hinugwaraga nup higi‐harnagre inke ne hishge manisinshui‐kjawige jhinag‐nagre hawekjanera.