Hogusra 17:8 - Winnebego Bible Portions 1907

⁸ Egi hornik’unkjanena egi su washinira hag howarehire ma wakuruxe hosh’urajane Kana‐an mara harnaj manegus harninekjanena, egi Mau ne‐hininekjanena.

Hogusra 17:8 Referans Kwoze

Hogusra 12:7

Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

Hogusra 13:15

Mara jasgexji hashjaga hornik’unkjanena egi su hashinira manegus.

Hogusra 28:4

Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.

Hogusra 13:17

Nashianage egi mara hiroha howarare egi haruje howarare, she‐e hornik’unkjanena.

Hogusra 48:4

Egi waigena: Horuxujre, wojarnikjanena egi worohaninkjanena, egi wankshigra hornihe xete niunkjanena, egi ma de‐e su hashinira wakunkjanena hag‐raregi manegus harninekjanena.

Hogusra 23:4

Hijahi here harnina egi ninkuruxe hajena, ma hokixera nige hunk’une horog‐rawiregi, d’eharnira hakaraxegjena inke hajajanikjena.

Hoixgara 7:5

Egi inke washa hoishjane hok’unina, inka, inke sihakerekjera reshge, shesgarnunige harnikjaneshe mangirajshana, egi su warnira hageja wankshiginegi, kheni ninkjang washa harninijanunige.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 36:7

Hitajera rokanainege, inke hakikishu jhi ruxurug hiranina. Egi ma wakuruxe hounanka inke warniu ruxurugnina, wanoijge warninera hawau.

Hogusra 37:1

Egi Jakob hajinja hianjra mawakuruxenihera Kana‐an mainja ma eja jhina.

Hogusra 35:27

Egi Jakob hianjra Isaak hirahina Mamre eja Arbah jhinag‐eja, Hebron higairena, eja Abraham egi Isaak mawakuruxe hirera.