Hogusra 17:2 - Winnebego Bible Portions 1907

² Egi rohira hikisge wakhi harnira hojakena hihiregi haunkjanena egi woroha rokana ninkjanena.

Hogusra 17:2 Referans Kwoze

Hogusra 12:2

Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.

Hogusra 15:18

Egi hamb‐eja Jehowa Abram rohira hikisge khina, wena: Su washinira ma de‐e wagarna, Egipt nishanag‐eja hura nishanag xeteja hipa, Euphrat ni‐eja.

Hogusra 13:16

Egi su hashinira manegi majushishig‐nagre wawikina wahakjanena, wankshigra hisha ma‐hihagregi majushishig‐nagre gikarab ruxurugkhi, hishge su washinira waikarabnana.

Hogusra 22:17

Naj‐wiroja, naj‐hironijankjanena egi‐roha‐hagi, su hashinira roha hakjanena, wangregi wiragoshgenagre hikhina, egi teja hijejeja pusake‐nanka wawikhina ninkjanena, egi su hashinira hosh’ighire warnira jhirobra wagarnikjanena.

Hogusra 9:9

Egi ne, horuxujwire, rohira hikisge waki harnira hakishu nikerewina, egi shige su washiniwira wakishu haghowarehire.

Hogusra 15:5

Egi jangeja harnihina egi wena: Wangregi horuxujre egi wiragoshgera waikarabre, jasge waraikarab shuruxurugshe? Egi wagena: Deshesge su washinira hirekjanena.

Hogusra 28:3

Egi Mau homashjara harnaj harninagra naj‐hornijankjanena egi woja‐ninkjanena, egi woroha‐ninkjanena, wankshig woroha ranikjege.