Hogusra 17:1 - Winnebego Bible Portions 1907

¹ Egi jaja Abram ma kerepana‐hishankijushguni‐anaga egi hishankijushguni‐hashanahangi, Jehowa Abram jantingikhina egi wagena: Ne Mau inke washa rushagnira winena, Hishja joweharegi manige egi inke washara hisha hirohiranine.

Hogusra 17:1 Referans Kwoze

Hogusra 6:9

De‐e Noah hokijhu harnira herena: Noah wang phisha herena egi Mau nakewesha wankshighoi eja, egi Noah Maura hakishu maniankshana.

Lukga 1:6

Egi hinubike phinena Maura jowehieja. Maura woehi harnieja egi u’washi harnira harnaj phihirena.

Matthaiga 5:48

Esge wogisogji phiwianje, Hianjrawira wangreginagre wogisogji phinagra shesgawiaje.

Hogusra 18:14

Jasge washanisha Jehowa wogijexishe? Houna higiregi de‐shejanagi ma joweregi hirani‐jikjanena, egi Sarah hojinjinig hisha harnikjanena.

Matthaiga 19:26

Eshi Jesus woruxujshana egi wawagena: Wankshig homashja harnine hiura inke ruxurug phinina eshi Maura inke washara hisha gijexinina.

Hogusra 28:3

Egi Mau homashjara harnaj harninagra naj‐hornijankjanena egi woja‐ninkjanena, egi woroha‐ninkjanena, wankshig woroha ranikjege.

Hogusra 35:11

Egi Maura wagena: Mau homashjara harnaj harnira winena, wojage egi woroha harare, jhinag howajehi egi jhinag howajehira hornihe ronihakjanena, egi ro hashinieja hungra haxeb‐hirekjanena.

Hoixgara 24:16

Egi jajanaga hoishib hiakijgajena wowewi phi hiu Maura jowehieja egi wankshignagre jowehireja.

Hogusra 48:15

Egi Israel Joseph hophi howe rogiguna egi wena: Mau de‐e jowehieja hianj‐wahara Abraham egi Isaak maninena, Mau de‐e E jajaixji wankshig‐haira waruj hunk’una hamb‐de‐e hipa,

Hogusra 12:1

Egi Jehowa Abram wagena: Ma hashininegi hihinabge nigeowarare egi washawararegi egi hianjraga hojhiregi, ma nige himanigitaikjanera eowarare.

Hogusra 5:24

Egi Xanox Maura hakishu manina, egi inka‐washinina, Maura rusge esge.

Hoixgara 23:1

Egi Paulus waehinanka woruxujshana wena: Wangra egi hikhinubwira, wowewiphi hiu wankshig haianjena Maura jowehieja hamb‐tegi hipa.

Hogusra 18:1

Egi Jehowa jantigikhina Mamre nanojaija wirarojonjeregi jhirobeja minagnank’u.

Hogusra 12:7

Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

Hogusra 16:16

Egi Abram ma kerepana‐haruang‐anaga egi hakewehashanahana, jaja Hagar Abram Ishmael haganira.

Hogusra 5:22

Egi Xanox Methusalah hagarninarnaga hageja Maura hakishu manina, ma hogihi‐danigaja egi hinigwahi jhuna egi hinugwahi.

Hogusra 24:40

Egi waigena: Jehowa E jowehieja mani‐magra, waxopiniwarajire harnira hakishu re‐ningigikjanena, egi hoikiware hashinira hini‐gisgekjanena, egi hinig‐hara washa‐wahaija egi jajiga hojhieja hisha khanag‐ragigikjanena.

Hogusra 26:2

Egi Jehowa jantingi‐khina, egi wagena: Inke Egipt eja howaranine, ma‐nige hornigitaikjanera eja jhiaje.

Hogusra 43:14

Egi Mau homashjara harnaj harninagra najojaine ninkjena wang‐jega jowehieja, egi rakhinubwira gugigikjena egi Benjamin. Ninkjang jushguni harnikjege waungi, ninkjang jushguni harnikjanegaja.

Hogusra 46:3

Egi wena: Maura ne‐winena, hianjraga Mau harnira. Egipt‐eja howarera inke nakawarnine, eja wankshighowajehi xete niunkjanege.

Hogusra 48:3

Egi Jakob Joseph wagena: Mau homashjara harnaj harnira Lus Kana‐an mainja janti hingikhina egi najunjana,