Hogusra 14:14 - Winnebego Bible Portions 1907

¹⁴ Egi jaja Abram naxgungi khinubra hini harniakarairegi, harairena manape hikaraijga ware warnira, jhi eojhieja wankshig‐inera, hogihi‐danianaga egi kerepanaishanaga‐haruang‐hashana, egi Dan‐eja waruxahirena.

Hogusra 14:14 Referans Kwoze

Hogusra 15:3

Egi Abram wena: Horuxujre inke su hunak’unina, egi horuxujre, jhi harninegi hisha wankshig‐ingi she‐e hoishjare harnira harnikjanena.

Hogusra 17:27

Egi eojhieja wangnanka harnaj, jhieja wankshiginegi egi hijahi here shura wawiruwinegi wakishu majhairena.

Hogusra 17:12

Egi ninkjangnigra hamb haruanga‐hangi wamajhairekjena horog‐rawiejananka hokijhu hashinieja wangnanka harnaj hisha jhieja wankshig‐ingi, shige hijahi herera hisha shura hiruwinegi e inke su hashiuira herenishge.

Hogusra 12:5

Egi Abram hijawira Sarai hakaraninena egi khinubra hinigra Lot egi washara jarnaga ruxurughire harninankhi egi naxiragra jarnaga Haran eja harninankhi. Egi Kana‐an mainja howarairena, egi Kana‐an mainja hahirena.

Hogusra 23:6

Naixguwine, hirukanara, Maura, hung harnira wash’unajegaja horog hawiregi, warnaxi‐hoshu warniwira gijainja d’e hashinira karaxare. Warnaxi‐hoshu warninera hinkisha hiraja hirani‐kjanena, d’e hashinira rakaraxegjegi.

Hogusra 18:19

Hiaperes‐ginigaja, u‐washikjanegaja ninkjang warnira egi hojhieja herera, hag howarehiga, she‐e Jehowa woshga harnira giuinekjanegaja, phi‐hiranaga egi wogisogra hiuinekje, e Jehowa Abraham jagu mangiraj‐nihera herekje.

Hogusra 13:8

Egi Abram Lot wagena: Ningitarna, inke kikitak hiranigi ne‐wineanaga egi nenine egi je hirakara warnira egi je hirakara washinira, hikikhinub hajege.

Hogusra 12:16

Egi hinugjega hawau Abram phi hirena. Egi jhasga harnina egi jera egi shungxete‐najawaxete wangra egi wang warera egi hinug warera egi shungxete‐najawaxete hinugra egi wanoijge‐huxashogra.

Hogusra 14:12

Egi Lotga rus‐hirena Abram khinubra hinigra e Sodom‐eja jhinagra egi washa warnira egi nigeowakarairena.

Hogusra 14:16

Egi washara harnaj hakja warni‐kirina egi shige khinubra Lotga harni‐kirina egi washa warnira egi hinugra hishge egi wankshigra.

Hogusra 17:23

Egi Abraham hinigra Ishmael kurussana egi jarnaga jhi eojhieja wankshig‐ingi egi jarnaga shura earnigi wawiruwingi Abraham hojhira wankshig warnira horog hireja wangra harnaj rei‐xu warninera wamangijhairena higu hamb eegi, Maura shesge higege.