Hogusra 1:28 - Winnebego Bible Portions 1907

²⁸ Egi Maura hophi howewarogigu, egi Maura wawagena: Wojawire egi woroha harawire, egi mara hoixjiwire, egi wanawine, egi tejainja hornanka wawishurukanakjanena, egi wangeja ahuirassananka wawishurukanakjanena, egi jarnaga washa niambra ma‐hihageja kikurutinanka wawishurukanakjanena.

Hogusra 1:28 Referans Kwoze

Hogusra 9:1

Egi Maura Noah egi hinig‐wahira washophi howe warogiguna egi wawagena: Wojawire, egi worohawire, egi mara hoixjiwine.

Hogusra 9:7

Egi ne wojawire egi worohawire egi ma hihagra hoixgawianje, egi worohawire.

Hogusra 1:22

Egi Maura hopi howe‐warogigu wena: Wojawire egi woroha harawire, egi hoixjiwine nira tejanegi, egi ahuirassara worohawine manegi.

Hogusra 17:20

Egi shige Ishmael hishge nanaxgura, horuxujre washophi najhiroajane, egi woja hakjanena egi worohaxji rokana hakjanena, hungra kerepanaishanaga‐nuphashana hagarninekjanena egi wankshig howajehi rokan haunakjanena.

Hogusra 8:17

Harniwihinabre washa niambra jarnaga harakishu sh’ura, rora harnaj, ahuirassara egi jera egi washa kikurutira jarnaga ma hihagregi kikurutiakhi, e manegi howe horajairekjena egi wojairekjena, egi ma hihagregi worohankjena.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 17:16

Washophi howe‐hakjanege egi hishge hojinjinigra hisha hornik’unkjanena Sarah‐eja howaji. Hisgexji washophi howe‐hakjanena egi wankshig howajehira hiunihirekjanena, egi wankshigra hung warninera eja howajirekjanena.

Hogusra 49:25

Mau hianjraga harnira, E ningijire‐kjanena, egi Homashjara harnaj harninagra eja howaji E naj‐hornijankjanena wangregi howaji naj‐hironi‐jankjanena, egi washa phi khuhanegi nankhi naj‐wironi‐jankjanena, egi was‐eja washophi howajikjanena, egi waujganag‐eja washophi howajikjanena.

Hogusra 33:5

Egi woruxujshana egi wajarna hinugra egi ninkjangnigra egi wena: Peshe hereshe warakishu shun‐shawangre? Egi Jakob wena: Ninkjang, e Maura ware hashinira wok’ura hererena.

Hogusra 24:60

Egi Rebekah washophi howe‐rogiguinena, egi wagairena: Ne hinugnik‐jabwina worohanje hogihixete hogihiwanganunig ranikjena egi su washinira wawosh’ighirera jhinag‐jhirob harninera wagarni wagigire.

Hogusra 5:2

Wangra egi hinugra wagus‐shana, egi washophi howe warogiguna. Egi hamb‐eja jaja wagusgi rashra wankshigra wigena.

Hogusra 6:1

Egi wauinena, jaja wankshigra ma hihagregi worohaxji harena, egi hinug‐wahirera wawagarni hirena,