Leta Ia Pol I Karo Ne Qira Basoero Na Rom 8:4 - Vato Vari Vakameka Voru Ia Batu Ne

⁴ Tamana i kaega ne pataro dena go vatovato totoloṉo i reqeme go Tamana mara voto lupoe loboro qita ita qata lulua go spirit tabo, mana ita mata kasi luluna too na vudu pua dena.

Leta Ia Pol I Karo Ne Qira Basoero Na Rom 8:4 Referans Kwoze

Qalesia 5:16

Iago, pata qa sine ne qamu go era, muna vamao ne Spirit tabo go mara kenaqa ne too ramu, go tamuniki lulua go kaega pata ni siko go basoe na vudu pua dena.

Kolosia 1:22

Do ninidena, loborona basoe ogoto ia Jesu, mana ni le go, God i vine qamu tamuna vakitaka ia, go ramu tamuna tabo, dalo, mana tina kaega ne qamu kebu, tarakenaqana ia.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.

Iburu 12:23

Qamu lama kula tavisi qira basoero iri kameka qoqoṉo go gere qira salero podo kenaqa ia God, vitoṉo qira i ko banae buka na rani ne. Qamu lama dokae de koe God, ia tina zazu ze vivine ia de iri koego osiqira basoero. Qamu lama vakameka ne madau qira basoero iri totoloṉo bana, tanego God i va basoe totoloṉo bana qira.

Revaleson 14:5

Kaega kaki ṉalu iri sine go seko poqe mana i kaega ne qira kebu go.

Kameka Jon 3:2

Ramu turaquro, ita qata salero ia to God nini dena, do iara kaebo sadaka vavelaka me de tina gogo tatali qita kene ṉalu. Do ita qata rove Kristo tina za lama napu, ita tatana reṉa ne ia mana ita tatana gere to iago.

Leta Ia Pol I Karo Ne Qira Basoero Na Rom 2:26

Vano iriki Jiu go kaega, i kaega ne qira vatovato na kosi, do ṉalu iri lulua Tamana igogo ne, God tina vari pada ne qirae so nanao ia de iri koe go vano iri kosi go.

Luka 1:6

Too riru ne, i totoloṉo e loborona nanao na God, iru lete lulua seko ia God mana tamana ro ia.

Leta Ia Pol I Karo Ne Qira Basoero Na Rom 3:31

Iago sauna vaogoto dena ita qata vakuziki ne tane Tamana go ba? Kaega! Ita qata vanadu velaka to Tamana.

Karua Korinti 10:2

kasi va tutubo ve era go ma seko vamoqere de qamu koego ṉalu tuna garetu doka go. Do era qa rove qa mazala seko vamoqere de iri koego basoero iri sine go, remu qi lulua so vatovato na pua dena.

Karua Korinti 10:3

Iogoto ita qata koe vudu pua dena, do ita pua dena.