Leta Ia Pol I Karo Ne Qira Basoero Na Rom 8:37 - Vato Vari Vakameka Voru Ia Batu Ne

³⁷ Do ita mata kasi pela nena pataro dena. Kristo i mamaligara ne qita go qata karaputa ne go pataro dena osina ṉalu.

Leta Ia Pol I Karo Ne Qira Basoero Na Rom 8:37 Referans Kwoze

Kameka Korinti 15:57

Do mata seko velaka ne God i teke ne qita go karaputa loborona de koe Batu ita Jesu Kristo.

Kameka Jon 4:4

Do ramu turaquro qamu keia God mana qamu vaqoqoro bana qira ramu tane propeta poqepoqe ro nae, tanego Spirit tabo i koe go de qamu koe i karaputa sivala ne qira, kana ro ia Kristo iri keia go vudu pua de.

Karua Korinti 2:14

Do remu qi seko velake ne God, tanego loborona vari vakameka ia de ikoego Kristo, God i kenaqa ne qita ita loborona bara ia Kristo, ṉalu ia i va pela go karaputa ia Satana mana vasakata pata. God i vazazu qemu go timuna vasadaka ze osina dia tarove ia Kristo gerena kaki pata i lete nonoli meno go.

Revaleson 21:7

Basoe i karaputa nego varitara ia ne, tina pala go pataro dena. Era qa God ia mana ia i sale ia.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Judi 1:24

God i lete karaputa mazala sivala go, i mazala va noto qamue tepa ia vasakata pata mana i vadalo qamue tarakenaqana tanuna, mana i teke ne qamu kulakula go.

Qalesia 2:20

Iago iki too era kaega tanuqu go qa too go dena, do Kristo i too e go loboroqu, mana iteke nava too iago.

Karua Korinti 12:9

Do vataule i teke nava go igo dena, “Mana era so i tora go aro, ba karaputa era i moqere sivala ṉalu aro qo pela go.” Era qa lete kula sivala ṉalu qa pela go, go karaputa ia Kristo tina koe de qa koego era.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Epesus 5:2

Mamaligara to mara kenaqa ne go too ramu, gerena Kristo i mamaligara ne qita, mana iteke ne qita too, gerena kameka sosovolomo i nonoli meno, mana God ikula ne komakoma nae.

Kameka Jon 4:19

Ita mata vari mamaligarae, tanego God i mamaligara kenaqa ne qita go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Kameka Korinti 15:54

Ṉalu osina pataro dena tina lama sadaka, pataro i le go tina kavala mana tiniki rove to kaega le go, go Buka tabo ne tina lama ogoto, le i lupo to. God i vaqoqoro bana ia!

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Revaleson 3:9

Muna gata! Tautau iri vazaka go Satana nae, iri go iri vano Jiu, do iki ogoto kaega, iri poqe so, era tuna va rabatavakapata qirae make qamu ramu, ṉalu nae tarinara mia rove era qa lete mamaligara ne qamu ramu.

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.

Karua Korinti 12:19

Vakitaka ro era, kadigo qamu nanao remu qi pada ne so bara nena tanuqemu de qamu koego ramu. Kaega! Remu qi seko gerena so Kristo i soko go timuna seko e tarakenaqana God, mana osina pata qi zazu ne go tina tavisi ne qamu ramu go.

Leta Ia Pol I Karo Ne Qira Basoero Na Rom 8:35

Iago, ava patana to tina vakuziki ne qitae go ita mamaligara ia Kristo? Bana go kaki pata i lama vatutua qita, ba basoero iri lama vasasakata qita ba ṉalu qata ko saqo, ba ṉalu i doka ko sarakutu, ba ṉalu na sareki, ba ṉalu i doka qita go pata tina vae vale qita go?