Leta Ia Pol I Karo Ne Qira Basoero Na Rom 8:30 - Vato Vari Vakameka Voru Ia Batu Ne

³⁰ Iago ria i vine bana me qira go God, ia i koru napu me qira go i vatotoloṉo napu me qirae de ikoego tanuna, mana i teke napu ne qira too menomeno ia.

Leta Ia Pol I Karo Ne Qira Basoero Na Rom 8:30 Referans Kwoze

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Leta Ia Pol I Karo Ne Qira Basoero Na Rom 8:28

Ita qata rove God izazu ne go osina pata sauna velaka ia de iri koe go ria iri mamaligara ne go. Ria to nae i koru bana qira go tarina vasadaka mego pata velaka ikoego nanao ia.

Epesus 1:11

Osina pata izazu ne go God i va lulu ze so nanao na mana vivine ia. God i vine qita qata basoero ia, loborona vari vakameka ita de ikoego Kristo. Tanego saunaa nanao lavata ia idegere so pata i vine bana mego kokosona bana me.

Iburu 9:15

Sauna to pataro dena, Kristo so tina vanama go varitoqe voru ne, go ria i koru bana qira go God tarina pala vatabo i too sivala, i pui bana nego God. Pataro dena tina mazala zazu, tanego Jesu i le banae koluse ne mana i vakavele bana qirae basoero tepa ia kebu ro iri zazu bana nego ara zazu i vae go varitoqe kenaqa ne.

Epesus 1:5

God ivine bana ze de ikoego Jesu Kristo, iato tina lulu qita go tatana salero iago. Iato dena to ikutamana go pata ilete soko go God.

Kameka Pita 2:9

Ramu ne, God ivine bana qamue sinaqe ia. Ramu to qamu patere ria batu lavata ro, mana qamu basoero tabo ia tanuna go. Ramu to qamu basoero ogoto ia tanuna God, i vine bana qamu tamuna sine vasadake zazu velaka ro ia, tanego God i koru vasiporo bana qamue rodoko mana i taru qamue loborona tatavata velaka ia.

Kameka Korinti 6:11

Kakia ro ramu qamu go bana to nae. Do ninidena Kristo ivadalo qamu, i vakuziki lupo ne kebu ro ramu. Mana i vine qamue de koego God, ramu qamu ko totoloṉoe de koe God, loborona zazu ia, Batu ita Jesu Kristo mana de koe Spirit ia God ita.

Kameka Pita 3:9

Kasi vari sokasoka ne na pata i sakata go, ba vari soka nena seko sakata go, do muna pene ne basoe igogo nae, tanego makaolo to pata i pui bana ne go God tina tekene qamu, ṉalu i koru bana qamu go.

Tarama Velaka Ia Jesu Kristo I Karo Go Jon 17:22

Karaputa mazala qo teke nava go, era qa teke napu qira to ria de, qa teke ne qira, go tarina kameka gere na ituru qaturu kameka go.

Karua Pita 1:10

Vakitaka ro era, God i vine mana i koru bana qamu go, qamu ke ia tanuna. Iago muna lete zazu vakaraputa go tamuna vanadua go vine mana koru ia God de qamu koego. Ṉalu qamu va voto pataro nae, i makuru napu tamunara soba makuru go.

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Kameka Tesalonika 2:12

Remu qimu vakaraputa nanao qamu, mana qimu va momotono qamu, qi sine vakaraputa ne qamu muna lulua too velaka isoko go God, ni koru qamue go tamuna pala tavise de ikoego vari miasoka mana menomeno ia.

Kameka Korinti 1:2

Qaru karo zatu seko kula raru de qamu koego ramu basoero na eklesia ia God qamu koego Korint. God i koru qamu go tamuna basoe tavine ia, mana i va tabo bana qamu loborona vari vakameka de ikoego Jesu Kristo, vari vakameka napu e de koe osiqira basoero na soso dia ro iri va Batua go Batu Jesu Kristo ni Batu ria mana ita napu go.

Karua Timoti 2:11

Seko dena i seko ogoto, “Ṉalu qata le tavise Kristo tatana too palua ia.

Revaleson 19:9

Gonae aqelo ne i sine nava, igo, “Ono karo pataro dena, vano iri rave qira mego kelo na busi ia Tunana Sipi ne, iri pala to kula ria.” Aqelo ne i sine napua, “Seko dena i seko ogoto ia God.”

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Kameka Pita 5:10

Do taramuzina vokara pusi dena, God i ko nego Mana, i koru qamu go tamuna pala tavise menomeno ia i ko gado kutona i kaega. Loborona to va kameka ramu de ikoego Kristo, tanuna tinara va totoloṉo velaka qamu, mana tina teke ne qamu, karaputa, mana vadegere vanadu qamu go.

Kolosia 3:4

Too ogoto ramu to Kristo, mana ṉalu tina lama sadaka, ramu napu tamuna sadaka tavise ia mana tamuna pala tavise tatavata mazala ia.

Epesus 4:4

Kameka tokama dena so ita qata lama kamekae go, mana kameka Spirit tabo dena, qata toṉove go osiqita, gerena kameka pata so qata ruruqe go, mana iato nae, God ikoru bana qamue go.

Karua Korinti 4:17

Makuru ro qi vokara nego remu dena, iki pata ko sivala kaega, mana i pata suka so, ṉalu tara varipada ze go ke tinara za lama go. Tanego tinara valame ne qemu kaki pata i lete lavata mana tina ko sivala, mana ia igogo ne, too iki rove go kaega lupo de ikoego God.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Epesus 2:6

Loborona ko vari vakameka ita de ikoego Jesu Kristo, God i vatoo palu napu qita ita go tatana ko batu tavisi ze ia komala na rani ne.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 1:6

Ia dena i palu tavisi qamu to ramu qamu koego kolabana Rom. God i koru bana qamu ramu go tamuna basoero ia Jesu Kristo.

Leta Ia Pol I Karo Ne Qira Basoero Na Rom 8:21

Mana pataro nae kaki kameka ṉalu God tinara lukasa qirae karaputa ia pata i vasakata qira go, mana ria tarina pala tavise menomeno na too kulakula ria salero ia God rani ne.

Leta Ia Pol I Karo Ne Qira Basoero Na Rom 11:29

Tanego ṉalu God i vine go basoe, mana i teke ne vatabo ia gogo ne, God iki ara kavale kaega nanao na.

Kameka Korinti 2:7

Tarove qa tarama ne era i tarove ia God ni ko vapipika go, i ko pipika ne qira basoero. Do tarakenaqa na God iara kaebo vazari na kolabana pua ne, seko tarove ia dena i taru bana ne qita so, iato zuka nigogo ne qata mazala go doke na de koe God tepa rani ne.

Qalesia 1:6

Era qalete poloso sasakata, ramu qamu katikili go vananena God, ikoru bana qamue go lulu na Tarama Velaka na Mana ia Kristo.

Qalesia 1:15

Do loborona Mana ia God, ia i vine banava era torana qara koego sopa na kanae. I koru ava tuna zazu ne ia, mana ṉalu i lama doka to ṉalu itaru bana ze go nanao na,

Qalesia 5:8

God ikoru bana qamu go iki zazu ne kaega ia tane pata dena de qamu koego.

Epesus 3:11

God i valulu ze nanao ia iko bana mego ikaega go ka valupolupona. Mana i vasadaka ze loborona zazu ia Jesu Kristo Batu ita ne.