Leta Ia Pol I Karo Ne Qira Basoero Na Rom 8:26 - Vato Vari Vakameka Voru Ia Batu Ne

²⁶ Gerena napu so Spirit tabo i lama tavisi ne qita go, tane go ita qata memelaka. Do Spirit tabo imia go riro ita, mana ia i pene ne qitae de ikoego God sekoro imakuru qita go ita vatotoloṉona. Tanego ita qatiki rove kaega de igogo pene.

Leta Ia Pol I Karo Ne Qira Basoero Na Rom 8:26 Referans Kwoze

Matiu 10:20

Tanego sekoro tamuna sine go, tiniki reqe me kaega de qamu koego tanuqamu, do Spirit tabo tina valame go Tamaqamu ikoego rani ne, tina vatarove qamue go pataro tamuna sine go, tina va goe ze sokoro ia de qamu koego ramu.

Epesus 6:18

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.

Qalesia 4:6

Ita qata salesale ro ia God, iato go God i turi ne me Spirit na Sale ia, go tina lama koe loborona too ita. Mana Spirit nae ikoru, igo, “Aba, Mamae era.”

Tarama Velaka Ia Jesu Kristo I Karo Go Jon 14:16

Era tuna pene zaqe Mamae, go tina teke ne qamu kameka basoe vari vatatavisi go tina ko tavisi qamu osina ṉalu.

Epesus 2:18

Loborona Kristo, osiqita vano Jiu mana vano Jiu kaega, qata mazala lamae na de ikoego Tamaqita loborona karaputa ia Spirit tabo.

Leta Ia Pol I Karo Ne Qira Basoero Na Rom 8:15

Tanego Spirit ia God i teke ne qamu go, iki zazu ne kaega go tina vaseka qamu ramu, mana vasareki qamu go. Do Spirit tabo i varove qamue qamu salero ia God, mana karaputa na Spirit tabo qata koru ze go God, “Mamae! Tamaqemu!”

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Jemisi 4:3

Mana ṉalu qamu pene go do qamu ki pala go kaega, tanego pataro qamu pene go i sauna so pata mara vakula qamu so.

Leta Ia Pol I Karo Ne Qira Basoero Na Rom 15:1

Ita i karaputa go vaogoto ita mata tavisi ne qira, vano i memelaka go vaogoto ria, sauna papala maqata ro ikoe go de iri koe go. Mata kasi nanao na so tanuqita.

Luka 22:44

Ilete pela sasakata ne maqata ia, mana loborona auna pepene ivaego, idana na i sosone go pua ne, i gere go parasa ne.

Karua Korinti 5:4

Torana ara ko qata vaego pade kavakava dena, i gere ṉalu qata pala kaki pata i lete maqata, iato go qata soko go vakuziki ne na tokama qita i koego vudu pua dena, iki go kaega! Do, qata soko tokama na rani tatana vakeba nego. Tokama qita ninidena, God tinara vakavele mana teke ne qita tokama kakavata iki rove go kaega le.

Karua Korinti 5:2

Torana ara too qata vaego de, ita qatiki kula kaega, qata maqata so, tanego qata soko kaki tokama ikoego rani tatana va keba nego.

Matiu 20:22

Gonae Jesu i vane de ia, “Pata qamu pene go nae qamuki rove kaega. Avigo, qaburu mazala besi na kapu na vokara qa garogaro go era besi na?” Iru vataule, “Qaru mazala so besi na.”

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Leta Ia Pol I Karo Ne Qira Basoero Na Rom 7:24

Ke! Era qa basoe vari vananama sivala! Do akena to tina vakavele go tokamaqu tina vadoka ve go era le na?