Leta Ia Pol I Karo Ne Qira Basoero Na Rom 3:25 - Vato Vari Vakameka Voru Ia Batu Ne

²⁵ God i valame Kristo go i komakoma ne go sauna le ia, go tina vakuziki ne go vasakata pata, go God tina nanao ule ne go vasakata pata ro ria basoero ne. Loborona vaogoto ria de ikoe go Kristo, God i zazu ne pata dena go mara vasadake totoloṉo ia Tanuna igo. De i lupo bana mego ia iki muma katikili kaega, mana i mia vana ne so vasakata pata ria vano basoero.

Leta Ia Pol I Karo Ne Qira Basoero Na Rom 3:25 Referans Kwoze

Kameka Jon 4:10

God Tamuna iva sadaka ne qita go ita, de igogo mamaligara. Tanego iki ita kaega qata mamaligara kenaqa ne go God, do God Mamaligara kenaqa ne qita go ita, go i valame go sale iago ilama vokara mana le ne sauna lukasana vasakata pataro ita.

Kameka Jon 2:2

Mana tanuna to Kristo ile go i bauru ne go vasakata pata titita vamiki so kaega, do sauna napu to vasakata pata pata ria osina basoero na vudu pua dena go.

Leta Ia Pol I Karo Ne Qira Basoero Na Rom 5:9

Le ia i vatotoloṉo qitae ita de ikoego God ninidena mana i pata ogoto ia to tina vakavele napu qitae go ita muma ia God ṉalu na varitanae ia musaqara muzimuzi.

Zazu Ria Apostoloro 17:30

Ṉalu basoe iki rove go kaega ia, God iki nanao tarua kaega sakata ro ia. Do ninidena ia i soko osina basoero iri koego osina dia mara vana neto sakata ro ria.

Iburu 10:4

Tanego parasana buluka mana nanikoti i makuru tina vatalupase go vasakata pata.

Revaleson 13:8

Osina basoero na vudu pua ne, tarina vazaka pata piru dena. Do ria i karo banae go vitoṉo qira buka na too, tarakenaqana God i vazaria go kolabana pua ne so, tariniki vazaka go kaega pata qaraqara piru ne. Buka na too dena, i ke ia Tunana Sipi iri vae vale bana go.

Iburu 11:7

Loborona vaogoto ia, Noa i vaogote seko vabanabana ia God sauna pataro iara komego, mana pataro iara kaebo mia na go. Noa i zazu ne kameka koluka mana iva kavele ze ko tatamana iago. Tanego Noa i tatadaṉa e de ikoego God, iago i vasadake basoero na vudu pua ne iri vano sakata, iago God i va sadake Noa i valeke totoloṉo tanego Noa i vaogote God.

Leta Ia Pol I Karo Ne Qira Basoero Na Rom 5:1

Ninidena ita qata totoloṉoe de i koe God loborona vaogoto, tanego Batu ita Jesu Kristo i vabule qitae de ikoego God.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.

Iburu 11:14

Basoero iri sine go seko dena iri sadake iri soko dokae na vudu ria tanuqira.

Kameka Jon 1:10

Do ṉalu ita qata go, qatiki vasakata pata bana so kaega, ita qata vapoqe God mana ita qatiki vaogoto bana so kaega seko ro ia God.

Iburu 11:17

Abra-am i vaogote God, iato go i toqe ne komakoma ne na kameka sale ia Aisak, ṉalu God i pada ne ia. De koe Abra-am God i zazu ne ze pui ia, do Abra-am i vanama neso komakoma ne sale ia.

Iburu 9:5

Popoka na bokese igogo ne i koe de i mazala vatalupasa ze na vasakata pata ia basoe. Mana popoko na kokoqu na bokese ne ikoe karua beku i zari babalakuru qiru, karua pata dena iru vasadake lalana, God i koe de go. Do ninidena i kaega ṉalu go tuna pepeu lupase go ia igogo ne.

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Leta Ia Pol I Karo Ne Qira Basoero Na Rom 5:11

Do miki pataro so nae kaega God i teke ne qita, do mata kula, loborona Batu ita Jesu Kristo, tanego ia i vakameka ne qita ita de ikoego God.

Leta Ia Pol I Karo Ne Qira Basoero Na Rom 3:26

Do ṉalu ninidena ia i toere to vasakata pata ria vano basoe, go mara vasadake totoloṉo ia igo. Zuka dena God i vasadake tanuna i totoloṉo mana i vatotoloṉo napu basoe iri vaogote go Jesu Kristo de ikoego tanuna.

Leta Ia Pol I Karo Ne Qira Basoero Na Rom 2:4

Kadigo aro qo va patavolome so God, sauna vari nanao ia mana iki muna katikili kaega, do ia iko piri so ṉalu qata zazu ne go ita pata sakata. Iago muna mia rove God i vasadake varinanao ia de qamu koego. Tanego ia i pada ne muna nanao ule, mana kavala ze too velaka sauna too sakata ro ramu.

Zazu Ria Apostoloro 4:28

Vatovato ro dena iri zazu ne ze so pataro qo soko go aro, go loborona karaputa aro qo sine bana mego tinara lama sadaka.

Zazu Ria Apostoloro 3:18

God i sine bana me ṉalu bana ne, de iri koe osiqira propetaro ia, iri tavine bana ne go ṉalu bana, Mesia tina pala vokara, mana seko ni gogo ne, i lama sadaka ogoto.

Zazu Ria Apostoloro 15:18

Iato dena seko ia God, i vasadaka bana me pataro dena ṉalu bana ne.”

Zazu Ria Apostoloro 2:23

Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne.

Tarama Velaka Ia Jesu Kristo I Karo Go Jon 6:47

Ma sine ne qamu pata ogoto, ka basoe i vaogoto ava go era, ia i toṉove too iki rove go kaega lupo.

Zazu Ria Apostoloro 14:16

Ṉalu bana ne, i vamao ne qira so basoero ne tarina goe go zuka iri mao go tanuqira.

Leta Ia Pol I Karo Ne Qira Basoero Na Rom 5:18

Iago vasakata pata ia kameka basoe dena, God i varitanae ne qirae qo basoe dena i lukase go vasakata pata ria vano basoe de i koe go God.

Kameka Korinti 5:7

Iago muna vanaqe isti bana na vasakata pata, go tamuna voru vavelaka, ṉalu nae ramu tamuna gere palava robe voru i kaega go isti na. Pata ogoto, ramu qamu dalo bana, tanego God i komakoma bana ne Kristo ia to tunana Sipi na ṉaṉa zaza sivala ne.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Epesus 1:7

Tanego le ia Kristo i bauru ne qita, go qata talukasa go. Sauna ianae God i nanao ule ne vasakata pata ita. Avana to mamaligara lavata ia God de qata koego ita,

Epesus 2:13

Do ninidena loborona kameka i Jesu Kristo, ramu qamu ko valaqalaqa bana me so, God i pala vagarogaro qamue de ikoego tanuna sauna le ia Kristo.

Iburu 9:28

I gere napua so Kristo i komakoma ne tanuna kameka so ṉalu, go i vatalupase go vasakata pata ria basoero topu ne. Ia tina lama sadaka napu varuana ṉalu, do tiniki lama ne kaega vakuziki na vasakata pata, do tina lama vakavele qira vano iri piri bana nego ia.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.