Leta Ia Pol I Karo Ne Qira Basoero Na Rom 2:1 - Vato Vari Vakameka Voru Ia Batu Ne

¹ Vakitaka era, avigo tane qo varitanae ne qira go basoero ne? Aro do i kaega nigo so velaka go tono sine go i kaega nigo ka sakata tono go. Tanego ṉalu qo zazu napu ne go so pata iri zazu nego ria aro qo sine vasakata napu go so tanamu.

Leta Ia Pol I Karo Ne Qira Basoero Na Rom 2:1 Referans Kwoze

Luka 6:37

Jesu i sine napu ne qira, “Kasi toere na too ia kene basoe, go God tiniki toere go kaega too ramu, kasi vapala ze na kaki pata basoe ne, go God tiniki vapala qamue kaega kaki kapata. Nanao ule ne qira basoero ne, go God tina nanao ule ne qamu go.

Leta Ia Pol I Karo Ne Qira Basoero Na Rom 2:3

Do aro vakitaka era qo zazu napu ne so tanumu pata qo varitanae ne ze go de iri koego basoero ne, iago qo nanao qo mazala paqa ne na varitanae ia God?

Leta Ia Pol I Karo Ne Qira Basoero Na Rom 9:20

Do ake aro tono mazala go seko tolina God? Sereke pua, do iki tana ulene kaega basoe i zazu ne go, “Avigo tane qo zazu vane ava go era dena?” iki go kaega.

Jemisi 4:11

Turaquro, kasi sine vaqoqore na kene basoe. Ka basoe i sine vaqoqore go kene basoe, ba qo varitanae ne ia gogo ne, aro to qo sine vasakate go God mana qo varitanae ne go Tamana go. Ṉalu aro qo poro varitanae ne go Tamana, aro to qoki lulua go kaega Tamana, do qo basoe poro varitanae ne so tamana.

Jemisi 2:20

Qamu bulaṉoe, qamuki mia rove kaega ramu tane vaogoto iki zazu ne go kaega kaki pata ipatavolomo so.

Luka 19:22

Batu ne i sine ne ia, ‘Qo valeke sakata, era tuna va zazua sekoro qo sine gonae, tuna valepulepu zigoe, aro qo rove bana so, era qa valeke makuru qa pala pata qaki toṉove kaega, qa vae pata qaki leba go kaega.

Kameka Korinti 7:16

Qole busi avana tono tavisi ne ze go valeke aro go tina basoe lotu go, qo rove ba kaega? Ba aro valeke busi avana tono tavisi ne zego qole aro go tina basoe lotu, qo rove ba kaega?

Luka 12:14

Jesu i vataule igo, “Valeke, akena tane i teke nava era mazala go tuna vine go, ba kena ne qaburu go pata vavagado raraburu na?”

Leta Ia Pol I Karo Ne Qira Basoero Na Rom 2:2

Ita qata rove God so i totoloṉo go i varitanae ne qira go basoero iri zazu ne go vato miroko ro dena.

Leta Ia Pol I Karo Ne Qira Basoero Na Rom 3:9

Iago ita vano Jiu qata lete velaka sivala ne qira vano iriki Jiu go kaega ba? Kaega! Era qa sine vasadaka bana, vano Jiu mana vano iriki Jiu go kaega iri varipada so, mana iri ko lupoe so karaputa ia vasakata pata.

Leta Ia Pol I Karo Ne Qira Basoero Na Rom 14:22

Sotia pata qo vaogoto ze go pataro dena, mana ianae tina koe to de qo koego aro, mana God go. Ka basoe i nanao pata i zazu ne go itotoloṉo mana iki ruama ne kaega gogo ne, ia tina za kula.

Kameka Korinti 4:5

Iago muniki toere too ia basoe, tanego ṉalu na varitanae iara kaebo lama doka. Ṉalu musaqara na varitanae, tina piri ne so lama na Batu ne, tina pala vasadaka ze tatavata pataro i ko pipika ego nanao qira basoero ne. Mana God tina va zakazaka qira basoero, vatora ze de go too ria.