Leta Ia Pol I Karo Ne Qira Basoero Na Rom 16:5 - Vato Vari Vakameka Voru Ia Batu Ne

⁵ Seko kula napu era izae de iri koe go vano Lotu iri lama teṉo tarue go loborona pade riru go. Mana qa seko kula napue de ikoe go vakitaka era Epaenetus, valeke kenaqa i vaogote go Kristo vudu na Esia.

Leta Ia Pol I Karo Ne Qira Basoero Na Rom 16:5 Referans Kwoze

Kolosia 4:15

Teke ne qira seko kula remu, de iri koego vakitaka ro ita iri koe Laodisia, mana de ikoe go Nimipa mana basoero iri teṉo e go pade iago.

Pilimon 1:2

mana vano lotu qamu teṉo ego pade aro, mana vavaniqita Apia mana Akipusi valeke zazu, iru zazu vokara loborona zazu riru, gere qaru so raru.

Kameka Korinti 16:19

Basoero lotu iri koego kena Esia iri vagaretua seko kula ria. Akuila mana Prisila mana vano lotu iri poro teṉo taru ego pade riru iri vagaretua seko kula ria, iri seko kula e de qamu koego ramu loborona vitoṉona Batu ne.

Kameka Korinti 16:15

Ramu qamu rove bana qira tatamanaro Stepanasi, ria to iri toqe kenaqa ne vaogoto na Jesu tepa kena Akaia, mana iri teke too ria sauna zazu de iri koego basoero ia God.

Matiu 18:20

Tanego ṉalu karua ba kapisa basoe iri kameka qoqoṉo ego loborona vitoṉoqu era, era qa koe loboro qira.”

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.

Kapisa Jon 1:1

Era qa kazigarata na lotu qa karo nigo aro Qaiusi vakitaka velaka era qa lete mamaligara nigo.

Jemisi 1:18

Vatovato ia tanuna i valame ne qita ita seko ogotona too, mana go ita tatana ko kenaqa ne qira osina pataro i vazaria go.

Karua Korinti 9:2

Era qa rove ramu qamu soko to tavisi, iago qa pepeu vazaka qamue de iri koego basoero na Masedonia. Qa vane qira dena, “Vakitakaro iri koego kena Akaia iri vanama bana meso tavisi pasi ave zago ne.” Ṉalu iri gata ramu qamu soko napua tavisi, topuna basoero na Masedonia iri kula mana tarina soso ne tavisi ria go.

Karua Korinti 1:1

Era Pol qa apostolo, i turi nava Jesu Kristo, tanego God i vato bana ne. Era mana vakitaka ita Timoti qaru karo go leta dena, de qamu koego basoero ia God qamu koego komala lavata na Korint, mana ria napu iri vaogoto go, iri koego kena Akaia.

Leta Ia Pol I Karo Ne Qira Basoero Na Rom 16:12

Seko kula napu era de qaburu koe go raburu Tripaena mana Triposa karua qole qaburu zazu ne go zazu ia Batu ne, mana de ikoe go vakiataka velaka era Peresi qole izazu vokara ne go sauna Batu ne.

Leta Ia Pol I Karo Ne Qira Basoero Na Rom 16:8

Seko kula iza napue de ikoe go Ampiliatus vakitaka velaka era, qaru vari va kamekae go de ikoe go Batu ne.

Leta Ia Pol I Karo Ne Qira Basoero Na Rom 15:26

Tanego vano lotu iri koe go Akaia mana Masedonia iri zazu bana ne to kesa nanao ria go mara tavisi ne qirae basoero situ ia God iri koe go Jerusalema.

Leta Ia Pol I Karo Ne Qira Basoero Na Rom 11:16

Ṉalu tapasina bureri iri tavatavara ne zaqe God, tutukununa bureri nae ne ike ia to God, mana ṉalu rabutuna ro moki iri teke ne zaqe go God, paqarana ro moki nae do ike ia napu so God go.

Zazu Ria Apostoloro 18:27

Apolosi i nanao mara zae Akaia igo. Iago vano vaogoto iri koego Epesus iri tavisi ne ia, iri karo ne qira vano vaogoto iri koego Akaia, iri pene qira qe, tarina kula ne Apolosi ṉalu tina za dokae Akaia. Ṉalu Apolosi i za doka e Akaia, i lete tavisi ne qira basoero iri vaogoto bana go Jesu loborona Mana ia God.

Zazu Ria Apostoloro 18:12

I lama doka to ṉalu vano batubatu na Rom iri vine go Qalio tina kenaqa ne go miasoka na kolabana Akaia, vano Jiu iri teṉo, mana iri pala vazao ze Pol varitanae.

Zazu Ria Apostoloro 2:9

Ita qata reqeme Patia, Midia mana Elamu gata reqeme Mesopotamia, Judia mana Kapodosia, tepa Pontus mana Esia.

Zazu Ria Apostoloro 16:6

Iri go za loborona kolabana Praeqia mana Qalesia, tanego Spirit tabo ne iki vamao ne qira kaega tarina tarama ze Tarama Velaka ne loborona kena Esia.

Leta Ia Pol I Karo Ne Qira Basoero Na Rom 16:4

Iru vele le neto sauna tavisi riru de qa koe go era, iago era qa lete kula sivala ne to era de iru koe go riru, mana igo napu to vano lotu iriki Jiu go kaega go.

Leta Ia Pol I Karo Ne Qira Basoero Na Rom 16:6

Kula napu era de ikoe Maria ni lete zazu vokara ne qamu go ramu.