Leta Ia Pol I Karo Ne Qira Basoero Na Rom 13:7 - Vato Vari Vakameka Voru Ia Batu Ne

⁷ Iago, muna volia soso sinaqe na takisi ro i sine go Tamana, mana vasadake vamazala ramu mana vabatu ramu de iri koe go.

Leta Ia Pol I Karo Ne Qira Basoero Na Rom 13:7 Referans Kwoze

Luka 20:25

Jesu gonae i sine ne qira, “Velaka, teke vaule ne batu lavata Siza pata i todo go Siza, mana teke vaule ne God, pata i todo go God.”

Matiu 17:25

Pita i vataule ne qira, “Ove to, i volia.” Ṉalu Pita i dokae pade ne, Jesu i tana kenaqa ne Pita, igo, “Saimon, avana to nanao aro? Ria batu lavata na ro vudu pua dena akena tane iri mazala pala qirae takisi, basoero kakavata ba basoero na vudu ria?”

Kameka Timoti 5:17

I tora muna teke ne qira voli mana vitoṉo velaka, de iri koego vano kenakenaqa ramu iri miasoka go lotu ramu. Ria iri lete zazu vokara ne sine vasadake na Tarama Velaka ne mana vari vatatana ne seko ia God, itora tarina pala voli qira.

Matiu 22:21

Iri vataule, “Batu lavata Siza.” Jesu i sine ne qira, “Ṉalu igogo nae, teke vaule ne Siza patapata ia Siza, mana teke vaule ne God, patapata ia God go.”

Epesus 6:5

Vano seka, muna osaka ne qira batu ro ramu. Muna momokolo ne qira mana padapadae de iri koego. Muna zazu ne pata ro dena loborona puṉu totoloṉo gerena qo zazu ne zazua ia Kristo.

Kameka Pita 3:7

I gerena napu so ramu valeke ro busi, too ramu de iri koego qole ro ramu, ramu muna mia rove qira qolero, tokama qira iki karaputa gere qamu kaega ramu. Iago muna va velaka ne qira, tanego ria tarina pala tavisi qamue ramu sosovolono na too ia God. Ṉalu qamu zazu ne ia dena kaega kaki pata tina sida me zego pepene ramu.

Kameka Timoti 6:1

Vano kristiano iri vazazu qira go, mara nanao vamazale batu ro ria, go basoero ne tariniki seko vasakate vitoṉo na God mana varivatatana na lotu go.

Epesus 5:33

Do seko dena i garetu napue so de qamu koego ramu. Iago osina valeke ro busi muna mamaligara ne qira qolero ramu, gerena qamu mamaligara ne tanuqamu, Mana qolero busi muna vamazala qira valekero ramu go.

Luka 23:2

Iri vatupia sine na seko poqe ro de ikoego Jesu, mana iri go dena, “Valeke dena i kenaqa ne qira basoero remu, mana i sine ne qira, mara ria kasi volina takisi de i koe batu lavata Siza. Mana igo napu dena, tanuna ne i Mesia i Batu lavata go.”

Maka 12:17

Gonae Jesu i sine ne qira, “Velaka, teke vaule na batu lavata Siza, pata i todo go Siza mana teke vaule ne God, pata i todo go God.” Pasi iri gata go seko ia Jesu dena iri lete poloso sasakata.

Kameka Timoti 5:13

Mana iri tupi lulua, ko volomo mana keba pade ro go. Iri rove napua poro nero, tavisi na too sakata ria vano kakavata, mana pepeu na pataro iki tora qira go kaega pepeuna go.

Luka 20:22

Iago, sine ne qemu remu avigo i totoloṉe Tamana ita tane tatana volia takisi de ikoego batu lavata Siza, ba kaega?”

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Leta Ia Pol I Karo Ne Qira Basoero Na Rom 13:6

Iato nae tanego qamu volia go takisi ramu. Tanego vano batu ro nae iri zazu ne sauna God ṉalu iri zazu ne go miasoka qamu ramu.