Leta Ia Pol I Karo Ne Qira Basoero Na Rom 12:10 - Vato Vari Vakameka Voru Ia Batu Ne

¹⁰ Muna vari mamaligara napu tanuqamu gerena qamu kameka tamakenae loborona Kristo.

Leta Ia Pol I Karo Ne Qira Basoero Na Rom 12:10 Referans Kwoze

Pilipae 2:3

Kasi nanao na osina pataro mamu zazu va miki neso tanuqamu, ba vazakazaka na tanuqamu, ba vakanata volomo. Do muna ko qoqoro, vari padae de iri koego kero ne basoero ne.

Iburu 13:1

Muna ko vari mamaligarae gere qira tamakena ro.

Kameka Jon 4:11

Ramu turaquro tanego God i lete mamaligara ne qita, iago ita mata vari mamaligarae napu tanuqita.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Kameka Pita 2:17

Muna nanao va mazala qira basoero topu, mamaligara ne qira vano lotu mana batu lavata Siza go, mana padapadae de ikoego God.

Kameka Tesalonika 4:9

Era tuniki ara karo ne qamu kaega de igogo tamuna mamaligara ne qira go kero ne vano lotu. Tanego God i varove bana qamue de igogo qamu vari mamaligarae go.

Qalesia 5:13

Do de qamu koego ramu turaquro, God ikoru bana qamu tamuna ko talukasa. Do ko talukasa ramu dena, kasi vamao nena pata sakata ni soko go tokama qamu go tamuna lulua go. Do mamaligara ramu muna varisoso ne ze de qamu koego.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Kameka Jon 4:20

Ṉalu basoe igo, “Qa mamaligara ne God igo, do sakata qira so kero ne vano lotu gogo ne i poqe, tanego, ia iki mamaligara ne kaega basoe lotu ni reṉa ne go, iago, avatina go tane tina mamaligara ne go God iki reṉa ne go kaega.”

Karua Pita 1:7

Muna mamaligara ne qira vano lotu, mana muna lete mamaligara napu ne qira basoero topu go.

Kameka Pita 5:5

Gerena napu so ramu vano voru muna va mazala qira vano kazigarata rone. Mana osiqamu muna va qoqoro napua tanuqamu, mana vari tatavisi de qamu koego. Tanego Buka tabo ne igo dena, “God iki soko kaega basoe ni vazaka napu go, do iva sadaka ze mamaligara lavata ia de iri koego vano iri ko qoqoro go.”

Tarama Velaka Ia Jesu Kristo I Karo Go Jon 15:17

Iato dena tamana era, muna van mamaligarae.”

Leta Ia Pol I Karo Ne Qira Basoero Na Rom 13:7

Iago, muna volia soso sinaqe na takisi ro i sine go Tamana, mana vasadake vamazala ramu mana vabatu ramu de iri koe go.

Zazu Ria Apostoloro 4:32

Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go.

Luka 14:10

Do ṉalu kaki basoe i koru zigo ṉaṉa ono za kolokue so taramuzi, go ia valeke i koru gogo ne tina lama sine nigo, ‘Lama kolokue vesu velaka zakazaka dena vakitaka era.’ Mana ria basoero iri za kolokue go vesu tarakenaqa ne tarina mia valeke ne i nanao va mazali go aro.

Matiu 20:26

Do vatovato ra ramu, mara kasi go nae de qamu koego. Ṉalu kakia ramu i soko mara batu igogo ne, ia tina gere valeke zazu ramu

Karua Tesalonika 1:3

Turaquro, osina ṉalu remu timuna seko velake God. Itora remu timuna zazu ne, tanego vaogoto raramu i zaza popoka taru osina ṉalu, mana vari mamaligarae ramu tanuqamu i karaputa.

Kolosia 1:4

Tanego qi gata de go vaogoto ramu de i koe go Jesu Kristo, mana de go mamaligara ramu de iri koego baso basoero ia God.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.