Biblia Todo Logo
Bib sou entènèt

- Piblisite -




Leta Ia Pol I Karo Ne Qira Basoero Na Rom 1:9 - Vato Vari Vakameka Voru Ia Batu Ne

9 Tanuna God i mazala go vasadakena ogotona seko era, iato qa zazu ne ze go osina karaputa i reqeme go puṉuqu, ṉalu qa tamana ne go Tarama velaka sauna ia. Iago God i rove era qa nanao taru qamue go ramu pene era.

Gade chapit la Kopi




Leta Ia Pol I Karo Ne Qira Basoero Na Rom 1:9
34 Referans Kwoze  

Ṉalu qamu zazu ne go osina pataro dena, muna lotu mana pene God go tina tavisi ne qamu go. Pene osina ṉalu go karaputa ia Spirit tabo tina kenaqa ne qamu go. Go tamuna vanama taru mana tamuniki pela kaega go. Mana muna pene napu ne qira basoero ia God go.


Qa seko velake God, iato qa basoe zazu ia, mana qa osaka ne zazu ia loborona nanao mana too velaka era, gere qira so vanovano bana era iri zazu nego. Qa seko velake ia nanao taru qa vae qamu go mana loborona pepene era kuse mana musaqara go.


Pata qa sine go i pata ogoto. Tanego era qa basoe ia Kristo, iago qaki poqe kaega Spirit tabo i kenaqa ne nanaoqu mana nanaoqu i varove velaka ve qaki poqe kaega.


Mana osina ṉalu muna pene.


Era qa koru ze God, vaogoto era, i rove puṉuqu, go niki va maqata qamu ramu iato go era qaki garetu ego kaega Korint.


Osina musaqara mana kuse qimu pene iago mi garetu reṉa paqala ne qamu to ramu qimu go, go mi teke ne qamu pata qamu ara soko napua go sauna vaogoto ramu.


Osina ṉalu qimu seko velaka ne ze God, mana qi nanaotaru qamue ramu pene ro remu.


Iki ria kaega, do ita to qata pala go vari kosi ogoto, tanego qata vazaka God loborona Spirit ia, mana qata kula ne too ita loborona vari vakameka ita de koe Jesu Kristo. Ita qatiki ara vaogote kaega kaki zazu i sadaka mego tokama.


Osina ṉalu qa pene ne qamu, qa pene e loborona kulakula,


Tanego kuse ne aqelo ia God ia qa vazaka go era ilama de qa koe go.


Taramuzina pataro dena i sadaka, Spirit tabo i lete vanadua nanao na Pol, go tina zae Masedonia mana Akaia mana tina za doka e Jerusalema. Iago Pol igo, “Taramuzina tuna zae go Jerusalema, era tuna za doka Rom.”


iato go God i vine ava era tuna apostolo ia, mana tuna sine vasadaka Tarama Velaka ia de iri koego vano iriki Jiu go kaega, mana vatatana qira e vaogoto ni ogoto go. Era qa sine pata ogoto, qaki poqe kaega.


Mana ramu qamu rove tanuqamu de igo ia ivasadake go ogotona mazala ia, de go raru qaru gere tatamana, kameka zazu ne sauna Tarama Velaka.


Pata qa karo go i ogoto. God i rove era qaki poqe kaega.


Go God Tamana Batu ita Jesu, vitoṉona itabo osina ṉalu, i rove era qaki poqe kaega.


Era ma sine nigo pata ogoto, i ogoto sivala era qa vazaka God, iato God iri vazaka bana go vanovano bana ro ita ne, era qa lulua zuka ia Batu ne, iato iri sine go vano Jiu, iri go iki totoloṉo go kaega. Do era qa vaogote, seko Tamana i reqe me dekoe Mosese mana kero ne buka ro Iri karo go vano propetaro.


Iago soldia ro ne irimiasoka ze Pita loborona bara ne, do basoero lotu, iri pene vakaraputa ne ia de ikoego Batu ne.


Mana God i vine basoe zazu ia, i turi kenaqa ne ze ia de qamu koego ramu, go tina va makaolo qamu, go osiqamu tamuna tarua osina vatovato sakata ro ramu.”


Jesu i sine ne qira disipoloro ia vapadapada dena, go ria tarina pene taru so mana mara ria kasi pela go.


Iato dena vatupiana na Tarama Velaka sauna Jesu Kristo Tuna God,


Vakitaka era Pilimon, osina ṉalu qa pene, qa nanaotaru go mana qa seko velake God era.


Osina ṉalu qa nanao soba qamu, era qa seko velaka ne God.


Swiv nou:

Piblisite


Piblisite