Revaleson 4:6 - Vato Vari Vakameka Voru Ia Batu Ne

⁶ Vari liqitu napu na de kolokoloku ia batu ne, i gere sirosiro na loka na masi ne i lete tatavata sivala. Kavasi tepa na de kolokoloku ia Batu ne, iri koe kavasi pata qaraqara too i topu go mata qira, i koe tarakenaqana qira mana taramuzi qira go.

Revaleson 4:6 Referans Kwoze

Revaleson 15:2

Gonae qa mia zaqe kaki pata i mimia gere duviduvi na masi i palua go nako ne. Qa mia napu qira basoero iri vapela bana go karaputa ia pata qaraqara piru ne mana beku na mana lala i gere go vitoṉo na ia. Ria dena iri degere garogaro na masi duviduvi ne mana iri pala tarua pata nakinaki i teke ne qira go God.

Revaleson 5:6

Gonae qa reṉa ne zaqe Tunana Sipi i degere kolo iago. Tunana Sipi dena ne i gere pata iri vae vale bana go, i zari kavitu kiso na mana kavitu matana go, ianae ne iato kavitu Spirit ia God ni vazao ze go osina dia kolabana pua ne.

Revaleson 14:3

Ria kameka vasa vasiṉaulu kavasi mao basoero dena, iri degere tarakenaqana God i kolokue go de kolokoloku batubatu ia, kavasi pata qaraqara mana ria napu to vano kazigarata go. Ria dena iri vae kameka kera voru, talukasana kera ne, tanuqira so iri rove go. Basoero dena to God i bauru bana qirae go vudu pua dena.

Revaleson 19:4

Karabete kavasi kazigarata ro ne mana kavasi pata qaraqara too ne iri soru rabava kapata mana iri vazaka God i koloku ego kolokoloku batubatu ia ne iri go, “Amen! Mata vazaka God!”

Revaleson 5:14

Gonae kavasi pata qaraqara too ne, iri vataule iri go, “Amen!” Mana kazigarata ro ne, iri koloku tutuṉu mana iri vazaka qiru go.

Revaleson 7:11

Gonae osiqira aqelo ro ne mana kazigarata ro, mana kavasi pata qaraqara too ne, iri soru kapate tarakenaqana de kolokoloku ne mana iri vazaka God.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Revaleson 21:11

mana tatavatana karaputa ia God i damare go. Komala lavata dena i damara gere ipaka dulikana menomeno, mana i damara gere sirosiro na loka na masi ne i lete tatavata sivala go.

Revaleson 15:7

Gonae kaki kameka ria pata qaraqara ne i teke ne qira kavitu aqelo ne kavitu ebata qolu i purake muma ia God i too taru, iki rove go kaega lupo.

Revaleson 21:21

Manoga karua siporaṉa na ne, iri zazu neze kuete. Zuka lavata na loboro komala ne iri zazu ne ze qolu, iago i lete menomeno mana i duviduvi gere sirosiro ne go.

Revaleson 21:18

Bari na komala lavata dena iri zazu neze ipaka dulikana menomeno. Mana lavata na to komala lavata dena ne iri zazu lupo zeso qolu. Iago i damara gere sirosiro ne.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Revaleson 5:11

Ṉalu qa reṉa napu aqe qa gata mao na aqelo ro iri kera. Topu na aqeloro iri teṉo go nae, i makuru to qana qira! Iri degere ligute de kolokoloku batubatu ne, ria to aqelo ro de, kavasi pata qaraqara too, mana kazigarata ro ne.

Revaleson 6:1

Gonae qa reṉa ne zaqe Tunana Sipi ne i kaqole vakuziki kameka ke kenaqana va vitu na pata varoroto ne, mana qa gata kaki kameka ria kavasi pata qaraqara too ne, i ovaṉa valavata me i gere naki na pakala, igo, “Lama!”

Revaleson 6:6

Qa gata kaki ovaṉa igere kapata igo mego varilobori qira kavasi pata qaraqara too ne, igo dena, na lama doka ṉalu, kameka kima raisi so i tora go voli na zazu ria kameka tutukunu na musaqara, mana kapisa kima palava so i tora go volina zazu ria kameka tutukununa musaqara. Do oniki vasakate moki olivi mana barue vaeni go.