Revaleson 3:21 - Vato Vari Vakameka Voru Ia Batu Ne

²¹ Basoe i karaputa nego varitara dena, tina lama koloku tavisi ve era de koloku batubatu era, gere ava so era qa karaputa bana ne go varitara ne, mana ninidena qa za kolokue, de koloku batubatu ia Mamae.

Revaleson 3:21 Referans Kwoze

Karua Timoti 2:12

Ṉalu qatiki pela ne kaega vaogoto na ia, tatana vatovato tavise ia. Ṉalu qata go, qatiki rove kaega ia, Ia tina go napu so, iki rove qita kaega.

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Revaleson 2:7

Iago ṉalu i kone qamu go qeqele, muna gata seko ia Spirit tabo i sinene qira go eklesia ro ne. Basoero iri kasia go too mana vatovato sakata ro ne, era tuna teke ne qira velaka, mana tuna vamao ne qira ge na moki na too i podo ego barue ia God.”

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Luka 22:30

Ramu tamuna ṉaṉa mana besi tavisi e tevolo na vari miasoka era mana ramu tamuna koloku e de kolokoloku ria batu ro, mana tamuna kenaqa, ne qira manoga karua sinaqe na Izirel.”

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 1:6

Ia i lama batu lavata ne qita mana i teke ne qita zazu patere go tatana osaka ne God tamana. Iago ita mata vazaka Jesu Kristo ikoego osina karaputa mana menomeno, osina ṉalu topu ro ne. Amen.

Revaleson 12:11

Do ria turaqita ro ne iri vapela ze ia karaputa na parasana Sipi ne, mana karaputa na seko ia iri vasadake go. Iri toqe ne soso na too ria, mana iriki sareki ne kaega le go.

Revaleson 17:14

go tarina varitarae de ikoego Tunana Sipi ne iri go. Do Tunana Sipi ne mana basoero ia tarina vaqoqoro qira batu ro dena, tanego Tunana Sipi ne i batu sivala ne qira osiqira batu ro, mana i batu lavata sivala ne qira batu lavata ro. Tunana Sipi ne i koru bana qira basoero ia mana iri vanadue de ikoego iago.”

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”

Revaleson 6:2

Qa reṉa mana qa mia kameka ose kakasa valeke iage go ne i pala tuana mana lepo, mana iri teke ne topatopa, i va topatopa ne go. Valeke i age go ose dena ne i karaputa banae varitara ne, mana i zaza napu go tina za karaputa napu ne kaki varitara napu.

Matiu 25:21

Batu ia igo, ‘Velaka sivala, aro qo valeke zazu velaka, qo miasoka velake zazu suka dena, iago tuna va miasoka zigoe topuna pataro, lama mana kula tavisi ava era go!’

Revaleson 5:10

Aro to qo batu lavata ria, mana aro to qo lama va patere qira, go tarina na vazaka God ita. Mana ria nae to tarina kenaqa ne qira basoero na vudu ne.”

Revaleson 20:6

Kula mana makaolo i ke ria to vano iri pala go vari vatoo kenaqa dena. Tanego varuana le i kaega ne karaputa de iri koego ria. Ria tarina patere ia God mana Kristo, ria tarina batu lavata tavise ia torana kameka mao masirani.

Tarama Velaka Ia Jesu Kristo I Karo Go Jon 13:32

Mana ṉalu iri vazaka ze God sauna Tuna basoe ne, tanuna God do tina vazaka napua ia, mana tina vazaka ia nini de go.