Revaleson 3:18 - Vato Vari Vakameka Voru Ia Batu Ne

¹⁸ Iago ma sine ne qamu pata ogoto, muna voli zavae era qolu ilete velaka sivala, go tamunara vavagado ogoto go. Muna voli palu ze poga tamuna vakeba nego, go tina sapua go tokamaqamu ni sisinaqa go, go tamuniki agava go kaega. Muna voli napua sumuku tamuna alu zego mata qamu, go tamuna mimia velaka go.

Revaleson 3:18 Referans Kwoze

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Kameka Pita 1:7

Lavatana pataro dena go mara vasadake mazala na vaogoto ramu i nadu go. Qolu do iri subi ze nako ṉalu iri pada nego, go iri vadalo go, do qolu nae i mazala so za kaega, ba vaogoto raramu go i sivala ne qolu. Iago God tina pada napu ne vaogoto raramu go tinara nadu, mana tamuna toṉove vazaka, mana va popoka na vitoṉo qamu, mana va mazala qamu ṉalu musaqara Jesu tina sadaka mego.

Revaleson 19:8

Qole ne iri teke ne roku voru ilete mimia velaka sivala, go tina va roku nego.” Roku voru dalo dena, i lalana vatovato velaka iri zazu nego basoero ia God.

Revaleson 7:13

Kaki kameka ria vano kazigarata ne i tana nava era, “Ake ria bana tane iri va keba nego roku kakasa ro nae, mana adi tepa tane iri za reqe mego na?”

Matiu 13:44

Gonae Jesu i sine napua, “Too ikoego vari miasoka ia God i gere, kaki valeke i za soba ze kaki pata vavagado loborona kaki takoboro pua, i sapu vaule zaqe pua ne, mana i lete kula, gonae i za volivoli lupo ne osina pata i toṉove go i ule mana za volia to takoboro pua igogo ne.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Revaleson 3:17

Ramu qamu go, qamu lete vavagado mana qamu tonovo lupo to osina ro pata. Do qamuki rove kaega kapata, qamu lete vari vananama mana mata qamu, iara kodo so.

Revaleson 2:9

Era qa rove napua qamu ramu soba makuru mana qamu situ go, do qamu vavagado napu so. Qa rove basoero iri seko vasakata qamu go nae ne, iriki vano Jiu ogoto kaega, basoero nae ne iri vano zazu ia so Satana.

Karua Korinti 8:9

Qamu rove bana Mana ia Batu ita Jesu Kristo de qata koego, i lete vavagado sivala, do i vaqoqore tanuna tanego i sauqamu ramu, i zazu ne pata dena go ramu tamuna pala vavagado ia.

Karua Korinti 5:3

Tanego ṉalu qata le, i gere pata qata sisinaqa go, ṉalu qata ki toṉove go kaega tokama voru igogo ne.

Luka 12:21

Mana valupo lupona Jesu igo, “Iato nae de tina gogo basoe i teṉo ne go vavagado ia tanuna. Do tepa ia God, i kaega neso kaki vavagado ia.”

Matiu 25:9

Do ria taralima ne iri go, ‘Kaega tala dena tiniki tora qita kaega, zae de iri volivoli ze go tala ne, mana za volia kadia go,’ iri vane qira.

Kameka Timoti 6:18

Sine ne qira mara zazu ne pata velaka ro, mara vavagado ne zazu velaka ro, nanao qira basoero mana soso ne patapata ro ria de iri koego kero ne basoero go.

Revaleson 4:4

Liqutu na de kolokoloku ia batu ne iri koe karabete kavasi kazigarata ro ne, mana iri vakeba ne roku kakasa loda, topatopa iri vakeba nego i qolu.