Revaleson 22:7 - Vato Vari Vakameka Voru Ia Batu Ne

⁷ Jesu igo, “Gata! Era tiniki umata kaega tuna lama napu! Kula de iri koego basoero iri vaogote mana lulua seko ia God, i koego loborona buka dena!”

Revaleson 22:7 Referans Kwoze

Revaleson 3:11

Tiniki umata kaega era tuna lama napu, iago ramu muna palataru vanadua too velaka qamu pala bana go nae, niki go lama vakuziki ne qamue kaki basoe sakata, sasarapa velaka qamu pala bana go.

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Revaleson 22:20

Basoe i sine vasadake go osina pataro dena, igo, “I pata ogoto! Era tiniki umata kaega tuna ule napu me.” Amen. Ke Jesu Batue Lama to aro!

Revaleson 22:12

Jesu igo, “Gata! Era tiniki umata kaega tuna lama napu. Mana tuna pala me voli qira basoero ne, tina lulua so pataro iri zazu nego basoero ne.

Revaleson 16:15

“Gata! Era tuna gere basoe sikosiko ne! Kula basoe i dogara taru mana i vanadua baribari ia osina ṉalu, go tiniki za sisinaqa go kaega.”

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”

Revaleson 2:16

Iago muna vana ne vatovato sakata ro nae. Ṉalu qamuki vana ne kaega, tiniki umata kaega era tuna garetu vae qirae basoero nae pegi loda i sipore go saqequ.

Revaleson 3:3

Muna nanao tarua pataro iri vatatana qamue go, mana qamu gata go. Muna vaogote mana vana ne vatovato sakata ro ramu. Ba ṉalu qamuki dogara mego kaega, era tuna lamae deqamu koego gerena valeke sikosiko, mana ramu tamuniki rove kaega ṉalu era tuna doka qamu go.

Revaleson 22:18

Era, Jon qa lete seko vabanabana qira vano tarina gata go sekoro ia God i karo go buka dena. Ṉalu kaki basoe i palu zaqe sekoro ia tanuna loborona seko ia God ikoego buka dena ne, God tina vapala ze ia kimata ro i sine zego loborona buka dena.

Revaleson 22:19

Mana ṉalu kaki basoe i vakuziki ne seko ia God ikoego buka dena, God tina pala vakuziki ne todo na basoe nae mana tiniki ge kaega urena moki na too mana tiniki keba e kaega komala tabo, i karoe go buka dena go.

Revaleson 22:21

Go Mana ia Jesu Batu ne mara ko tavisi qira osiqira basoero ia God.