Revaleson 20:9 - Vato Vari Vakameka Voru Ia Batu Ne

⁹ Tarina zae osina dia vudu pua ne, mana tarina za liqute de iri teṉo ego basoero ia God. Iato komala lavata God imamaligara nego. Patavolomo nae, nako i reqeme rani ne i lama subi vasakata lupo qira so go.

Revaleson 20:9 Referans Kwoze

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Revaleson 13:13

Varuana pata qaraqara piru dena, i vasadake karaputa ia, i zazu ne pata vari vapoloso, i vasoru me nako na tepa rani ne mana i valame ze tarakenaqana qira basoero na vudu pua go tarina mia go.

Revaleson 11:5

Ṉalu kakia basoe i soko go vele vasakata qiru go, nako tina za siporo me saqe qiru, tina vasakata qira go ria iri kana ne qiru. Iago ka basoe i soko go vasakata qiru go riru ne, tina le so.

Luka 17:29

Do musaqara na ṉalu Lote i kasi ne Sodom, nako lavata i soru me tepa rani mana i lama vae vale lupo qira.

Luka 9:54

Ṉalu karua disipolo ia, Jemisi mana Jon iru gata soba seko dena, iru go dena, “Batu qo soko qaru raru maru koru zaqe nako tepa rani ne, go mara lama vasakata qira?”

Iburu 13:13

Iago ita mata za ko tavisi ze ia taramuzina komala lavata ne, go basoero ne tarina vasasakata ne qita, gere na so de iri vane bana go Jesu.

Luka 21:20

Jesu i sine napua, “Ṉalu ramu tamuna mia qira go vano degara ro tarina liqute go komala Jerusalema, ramu tamuna rove i garogaro to ṉalu go tarina vasakate go komala lavata ne.

Luka 19:43

Tina lama doka ṉalu vano tarina kana ne qamu, tarina lama vari tara, tarina lama kolo ne qamu, mana koku lupo ne osina dia, go kaega kakia tinara paqa siporo go.