Revaleson 12:4 - Vato Vari Vakameka Voru Ia Batu Ne

⁴ Kupele na ne i sima vasoru zaqe takoborona domiri ro iri koego varioka ne, mana i vana vasoru meze pua ne go. Ia i za degere tarakenaqana qole kazigarata ne i vanama ne ge na sale ia qole ne ṉalu tina podo go.

Revaleson 12:4 Referans Kwoze

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Revaleson 9:19

Tanego karaputa na ose ro ne i koeso saqe qira mana kupele qira go. Kupele qira ne i gere dole i zari go kuzuku qira, mana iato iri vazazua go iri vae vapaleka ze go basoero ne.

Revaleson 9:10

Kupele qira i gere kupele na pedepede ne, mana kupele qira to nae ikoego pata tina va vokara qirae go basoero ne torana kalima inaqa ne.

Revaleson 8:7

Aqelo kenaqa ne i puqoto kuvili ia, gonae aisi mana nako i lomire go parasa i tazele me vudu pua igere nare ne. Mana takoboro na vudu pua ne, i subi palua to takoborona moki ro, mana osina to seuseu kurikuri iri koego.

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Revaleson 17:18

Mana qole qo mia go ne, iato i komala lavata i batu lavata sivala ne qira osiqira batu lavata ro mana kolabana pua go.”

Revaleson 8:8

Gonae varuana aqelo ne i puqo napua kuvili ia, kaki pata i gere kubolo i subi e nako ne, iri vana zaqe masi ne. Takoborona masi ne i parasa,

Revaleson 8:9

takoborona pata too ro, iri koego masi ne iri le lupo to, mana takoboro na koluka ro iri zale go masi ne, iri sakata lupo.

Revaleson 8:10

Vapisana aqelo ne i puqo napua kuvili ia. Kameka domiri lavata i kamu, igere uquluna nako ne i reqe mego rani ne, i lama sorue takoborona besi uguru ne, mana besi sukasuka ro go.

Revaleson 8:11

Vitono na domiri lavata ne “Pani”, takoborona besi ro dena i taitana mana i pani, basoero iri besia go besi dena iri le lupo, tanego besi dena ne i pani.

Revaleson 8:12

Vavasina aqelo ne i puqo napua kuvili ia, mana kameka takoborona saṉa mana kameka takoborona inaqa iri rodoko mana gerena napu so domiri ro go. Kameka musaqara mana kameka kuse iki tatavata kaega.

Revaleson 12:7

Gonae kana lavata i tupi me rani ne. Maekolo mana aqelo ro ia iri varitarae de ikoego dole ratavo ne, dole ratavo ne mana aqelo ro ia iri varitara ule napu go.

Revaleson 13:2

Pata piru dena i mimia gere leopati mana makena ne i mimia gere bea, saqena ne i mimia gere laioni ne. Ratovo lavata ne i teke ne pata qaraqara piru dena karaputa ia tanuna, go tina kolokue de koko batubatu ia, mana mazala iago tina vazazua go.

Revaleson 13:4

Osiqira basoero ne iri vazaka ratovo dena. Tanego i teke ne karaputa ia de ikoego pata piru ne, mana iri vazaka napua so pata qaraqara piru dena go. Iago iri go dena, “I kaega to ka basoe i gere go pata qaraqara piru dena, mana kaega ka basoe i mazala go varitara ena de ikoego iago.”

Revaleson 16:13

Gonae qa mia napua kapisa manuru sakata iri mimia gere pori ne, iri siporo me saqena propeta poqepoqe ne go.

Revaleson 20:2

Ia i qolo vanadua dole ratovo i ko bana mego ṉalu bana ne, iato qata vitoṉo zego Satana, mana i qolo taru ze ia seni lavata torana kameka mao masirani.