Revaleson 11:3 - Vato Vari Vakameka Voru Ia Batu Ne

³ Torana kameka mao karua vasa onomoṉaulu musaqara nae, era tuna turi ne qiru karua basoe era, tiruna va keba ne poga mode, mana tiruna tarama vasadaka seko ia God.”

Revaleson 11:3 Referans Kwoze

Revaleson 12:6

Qole ne i paqa za ulana ne, de i vanama bana go God tina za koego. Dego ne to tarina za miasoka zego ia torana kameka mao karua vasa onomo ṉaulu musaqara.

Revaleson 11:2

Do oniki pada tepa peka na pade ne, tanego iri teke bana ne qira vano rodoko, mana ria tarina kube vasakate osina pata loborona komala tabo Jerusalema nae torana vasiṉaulu karua inaqa.

Revaleson 13:5

Pata piru dena i malumu ne seko vazaka napu, go tina seko sakate mana dadamua God, do karaputa dena i toraso vasi ṉaulu karua inaqa.

Zazu Ria Apostoloro 13:31

Mana topu musaqara taramuzina ia i sadaka qira basoero iri lulu bana me ze go ia Qalili lama dokae go Jerusalema. Mana basoero nae to iri tarama ne go ia, de iri koego basoero na Izirel.

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Luka 24:48

Ramu to tamuna seko ne go pataro dena.

Karua Korinti 13:1

Ninidena vapisana ṉalu era tuna garetu tove qamu, gerena so i karo banae go Buka tabo ne, “Ṉalu kaki basoe i vapaqo ze seko de ikoego kaki basoe ne, karua ba kapisa basoe tarina degere ne, go tina ogoto go pata i sine go basoe nae.”

Zazu Ria Apostoloro 2:32

God i vatoo napu me Jesu dena tepa le ne, mana remu qimu mia ze mata qemu pata dena.

Tarama Velaka Ia Jesu Kristo I Karo Go Jon 15:27

Mana ramu to tamuna sine ne qira go basoe ne sauqu era go, tanego ramu to qata kameka go ṉalu qa vatupia go era zazu dena.

Matiu 18:16

Do ṉalu ia iki gata go kaega, ono ule napu za de ikoego ia mana ono lulua kameka ba karua basoe go, tanego Buka tabo ne igo, ‘Ṉalu kaki basoe i vatubi zigoe kakia pata, karua, ba kapisa basoe tarina koloku tavisi, go tarina gata go pataro iri vari va legu ne go.’

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Revaleson 1:5

Bule mana Mana dena i reqe napu meso Jesu Kristo i basoe totoloṉo i tarama ne go seko ia God, mana iato i too kenaqa me tepa le ne. Mana ia napu to i kone go karaputa i sivala ne qira go vano batu lavata na ro vudu pua dena. Jesu Kristo i lete mamaligara ne qita mana ile ne sauna vatalukasana vasakata pata ro ita.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Tarama Velaka Ia Jesu Kristo I Karo Go Jon 3:27

Iago Jon i vataule ne qira, “Ṉalu go God iki toqe ne go kaega, kaega so kaki pata tara vapuro go basoe.

Matiu 11:21

Jesu i sine ne qira igo, “Manava sakata de qamu koego ramu komala Betsaida. Tanego zazu vari vapoloso ro i sadake go de qamu koego ne, tara vasadaka bana ne qira go basoero na Taia mana Saidon, qa nanao basoero nae tara manava sakata bana ne so vasakata pata ro ria, mana tara ria vakeba ne poga taridaka ro mana kuru ze lodu kuzuku qira go.

Luka 10:13

Jesu i sine napu ne qira, “Manava sakata de qo koe aro komala Korozini! Manava sakata napu de qo koego aro komala Betsaida! Zazu vari vanureke ro qa zazu bana ze go era komala ramu tara zazu ze Taia mana Saidon, ṉalu nae basoero na karua komala igogo ne, iri mazala kavale na nanao qira, tara ria koluku mana vakeba ne poga taridaka ro mana kuru ze tokama qira lodu go, tara vasadake iri manava sakata ne vasakata pata ro ria.

Revaleson 11:6

Riru ne i ko ne qiru karaputa go tiruna kokoqua go nare go tiniki soru me kaega torana iru tarama nego seko ia God. Iko napu ne qiru so karaputa, iru mazala itana va parasa na besi sukasuka ro, iko napu ne qiru karaputa ṉalu iru soko go vakimate na soso sinaqe na pataro na vudu pua ne.