Pilipae 3:9 - Vato Vari Vakameka Voru Ia Batu Ne

⁹ Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Pilipae 3:9 Referans Kwoze

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Qalesia 2:16

Do remu qi rove basoe iko totoloṉe de ikoe God, ṉalu i vaogote go Jesu Kristo, do iki reqeme kaega sauna luluna Tamana. Iago, remu vano Jiu do qimu vaogoto napua so Jesu Kristo, go ia God tina vatotoloṉo qemue deikoego Jesu Kristo, do iki sauna kaega luluna so pataro ni sine go Tamana. Tanego, kaega kaki basoe ni totoloṉoe go de ikoego God, ṉalu i lulua go so pataro ni sine go Tamana.

Leta Ia Pol I Karo Ne Qira Basoero Na Rom 8:1

I kaega ka basoe tina sine go ita qata kebu sauna ko kameka ita de i koe Jesu Kristo.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Taetusi 3:5

iva kavele qita. Iki sauna kaega pata velaka ro qata zazu ne, do i sauna so manava ia, go ni vakavele qita go. Spirit tabo iva dalo qita, go ita mata podo napu, go tatana pala too de ikoego ia.

Karua Timoti 1:9

God i vakavele bana qita, mana i koru qitae basoero ia iki sauna kaega zazu ro ita, do loborona so nanao ia, tanego i mamaligara ne qita. I teke ne qita Mana dena ṉalu ivalame go Jesu Kristo, tarakenaqana iara tupi go osina pata,

Karua Korinti 5:17

Ṉalu kaki basoe i vakameka ne Kristo, ia i basoe voru, ke bana ne i lupo to, ke voru to i lama go.

Pilipae 3:6

Mana qa lete osaka ne zazu na Tamana, iago qa vasasakata ne eklesia ne. Do ṉalu kaki basoe i mazala nanao vatotoloṉo na vatovato na tamana ro dena, era ne qaki kebu kaega.

Leta Ia Pol I Karo Ne Qira Basoero Na Rom 10:10

Tanego ṉalu ita qata vaogoto ze puṉu qita, mana vaogoto ita nae to, God i vatotoloṉo qitae go de ikoe go tanuna. Mana sauna tarama na velaka ita nae to God i vakavele qitae go.

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Matiu 9:13

Za muna za toere velake talupasana seko i sine go Buka tabo igo, ‘Vari nanao tane qa soko go era dekoe basoero, do sosovolomo kaega.’ Ma sine ne qamu, era qaki lama ne kaega koru qira basoero iri vatovato velaka, do qa lama ne qira basoero iri vasakata pata go.”

Kameka Jon 3:4

Soso sinaqena vasakata pata iri vasakate tamana ia God. Iago basoe izazu ne go vasakata pata, ivae to tamana ia God.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Jemisi 3:2

Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.

Iburu 6:18

Karua seko dena i makuru kavala na, mana loborona karua seko dena God iki mazala kaega tina poqe go. Iago ita qata lama soba bana go de velaka de koe God, mata va karaputa nanao qita mana vanadua pata i pui ne qita go God.

Leta Ia Pol I Karo Ne Qira Basoero Na Rom 16:7

Seko kula napu era de iru koe go Adronikas mana Jiunas karua vakitaka era qimu vano Jiu iru kotavisi vae bara ne. Ria apostoloro ne iri rove va velaka qiru, tanego iru karua basoe zazu ia Kristo mana iru zazu kenaqa nava era.

Leta Ia Pol I Karo Ne Qira Basoero Na Rom 5:21

Iago vasakata pata i kenaqa ne qira vano basoe mana i teke ne qira to le. Do Mana ia God i ko ne karaputa sivala loborona zazu ia Jesu Kristo i vatotoloṉo napu qita ita vano basoe, mana i kenaqa qitae go too gado kutona i kaega.