Pilipae 2:22 - Vato Vari Vakameka Voru Ia Batu Ne

²² Mana ramu qamu rove tanuqamu de igo ia ivasadake go ogotona mazala ia, de go raru qaru gere tatamana, kameka zazu ne sauna Tarama Velaka.

Pilipae 2:22 Referans Kwoze

Kameka Korinti 4:17

Iato go era qa turi ne zatu go Timoti, ia i sale velaka era i zazu velaka sivala ne zazu ia Batu ne, ia tina vananao taru qamue ramu tamana ro qa lulua go era, loborona too voru ni vari vakameka e dekoe Jesu Kristo, mana iato qa vari vatatana ne era, de iri koego basoero na eklesia iri koego osina dia.

Karua Timoti 1:2

Qa karo zatu leta dena de qo koego aro Timoti sale era. Go God Tamaqita mana Batu ita Jesu Kristo mara teke nigo Mana, ko bulebule mana manava ia.

Kameka Timoti 1:2

de qo koego aro Timoti loborona vaogoto, aro qo gere sale ogoto era, qa pene, go God Tamaqita mana Jesu Kristo Batu ita mara Mana nigo mana, mara teke nigo manava ia mana ko bulebule ia.

Karua Korinti 2:9

Qa karo ne qamu leta nae, qa soko pada ne qamu go ma rove, avigo qamu toqe ne vaogoto na pataro qa sine ne qamu go era?

Kameka Timoti 1:18

Sale era Timoti, tamana dena, era qa taru ze to deqo koego aro, gerena so seko iri sine bana zame ṉalu bana ne. Vazazua seko ro nae gerena pata varitara, go tono varitara va velaka go,

Karua Korinti 8:22

Iago remu qi turine zatu vakitaka remu i lulu tavisi qira atu, topuna ṉalu qemu pada ne ia, do qi rove ia i lete soko to tavisi. Iago ninidena i lete kone vaogoto de qamu koego ramu, mana i lete soko vasakate to tavisi ne qamu.

Taetusi 1:4

Qa karo nigo aro Taetusi, loborona vaogoto ituru qa va gere goe sale ogoto era. Go God Tamana mana Jesu Kristo vari vakavele ita mana teke nigo Mana mana ko bulebule iago.

Karua Timoti 3:10

Do aro qo lulua vari vatatana ro era, mana qo miarove bana too era mana pataro qa soko go zazu nena go. Qo miarove bana vaogoto era, de go qa vakapo qira basoe, qa mamaligara ne qira basoero ne mana patavolomo makuru i dokava era qara karaputa so.

Pilipae 2:20

Tanuna so Timoti, i pala go nanaoqu era, mana i kameka ego de qa koego era, mana i lete nanao qamu go.

Karua Korinti 8:24

Vamia qirae basoero nae, qamu mamaligara ne qira, go basoero lotu qi turi ne qira atu go tarina gata mana rove, go pataro qi vazaka napu ne go remu sauqamu ramu vano Korint tina pataogoto.

Karua Korinti 8:8

Era qaki vadegere kaega ka Tamana, do qa soko vamia qamue dego soko ria kerone basoero iri soko go tavisi na zazu dena, era qa teke qamu ṉalu go tamuna mazala vasadake na mamaligara ramu i pata ogoto.

Zazu Ria Apostoloro 16:2

Osiqira vano vaogoto na Listra, mana Ikonium iri sine seko velaka ro sauna Timoti.

Leta Ia Pol I Karo Ne Qira Basoero Na Rom 5:4

mana ṉalu ita qata vanadu, God i vamazala qita, mana va mazala ianae i vazari me to ruruqe ita go.

Kameka Korinti 16:10

Ṉalu Timoti tina lamae de qamu koego, muna vagado velaka ze de qamu koego, tanego Timoti i zazu napu neso zazu ia Batu ne, i gere napu ava so era.

Pilipae 1:5

tanego ramu qamu tavisi velaka nava era, vatatavata na tarama velaka ne, pasi me musaqara kenaqa era qa lama doka mana i doka to ninidena go.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Pilipae 1:12

Ramu turaquroe, era qa soko ramu tamuna rove pataro i doka va go era, iato i lete tavisi ogoto nava sauna va zazao na tarama velaka ne.

Pilipae 1:16

Ria dena iri tamana e loborona mamaligara, tanego iri rove God i teke bana nava era, zazu go tuna degere ne tarama ne na, tarama velaka ia.

Kameka Timoti 4:6

Ṉalu tono sine ne qira sekoro dena de iri koego vakitaka ita loborona lotu, ṉalu nae aro qo kakia basoe zazu velaka ia Jesu Kristo. Mana aro tono degere mana tina zaza popoka vaogoto qo lulua go, mana noqo pala bana go.