Pilipae 2:11 - Vato Vari Vakameka Voru Ia Batu Ne

¹¹ Osina basoero mara sine vasadake, “Jesu Kristo i Batu, go kero ne basoero tarina vazaka God Tamaqita.”

Pilipae 2:11 Referans Kwoze

Kameka Jon 4:15

Basoe i sine vasadake go Jesu i Tuna God igogo, God i too e go loborona too ia basoe nae, mana basoe nae ne ikoe loborona God go.

Leta Ia Pol I Karo Ne Qira Basoero Na Rom 14:11

Tanego Buka tabo ne igo, “I pata ogoto sivala, era to qa Batu, naqa God qa too go osiqira basoero ne tarina koloku tutuṉe tarakenaqaqu era, mana tarina sine vasadake era to qa God go.”

Tarama Velaka Ia Jesu Kristo I Karo Go Jon 13:13

Ramu qamu koru ve era, valeke vari vatatana mana Batu, ianae i totoloṉo mana i ogoto go, tanego i era to.

Kameka Jon 4:2

Ramu tamuna gata rove ze so seko ia basoe, ṉalu iri pala ogote go Spirit ia God. Ṉalu basoe igo Jesu Kristo i lama podo basoe gere so tokama qita ita vano basoe, ria tonae iri toṉove go Spirit ia God.

Leta Ia Pol I Karo Ne Qira Basoero Na Rom 14:9

Tanego sauna to ia dena Kristo ile, mana itoo napu mego tepa le ne, mana iato i Batu ne qira vano le mana vano too.

Kameka Korinti 12:3

Sauna to pataro dena, era qa soko sine ne qamu, kaega ka basoe i kenaqa nego go Spirit tabo, i mazala sine na “Jesu i uzaka so.” Mana kaega napu ka basoe i mazala sine na, “Jesu i Batu ita ṉalu Spirit tabo iki kenaqa ne kaega ia.”

Tarama Velaka Ia Jesu Kristo I Karo Go Jon 14:13

Mana ṉalu qamu pene ze kakia pata loborona vitoṉoqu, era tuna teke ne qamu. Go karaputa mazala ia Mamae tina sadake loborona sale ia.

Kameka Pita 1:21

Mana de ikoego to Kristo ramu qamu vaogote God, ia iva too me Kristo tepa le ne i vakaraputa ia, mana i teke ne menomeno. Iago vaogoto mana ruruqe ramu mara ko vanadue de ikoego God.

Kameka Korinti 8:6

do i kameka minena so God Tamaqita iva zaria go osina ro pata mana ita qata too e loborona ia. I ko ne qita kameka so Batu Jesu Kristo, loborona ia topu pata i zari me, mana loborona ia, ita qata too e go.

Revaleson 3:5

Basoero iri karaputa ego varitara dena, tarina vakeba ne roku kakasa, mana tuniki vakuziki ne qirae kaega vitoṉo qira i koego buka na too. De koe tarakenaqana Mamae mana aqelo ro ia, era tuna sine vasadake basoero nae to iri ke ogoto era.

Matiu 10:32

Gonae Jesu i sine ne qira, “Ṉalu kaki basoe i sine vasadaka ze de iri koego basoero ne, igo, ‘Tanuna i lulu ara era,’ era tuna sine vasadaka napu ze ia de ikoego Mamae tepa rani ne, basoe nae i ke rera go.

Zazu Ria Apostoloro 10:36

Ramu qamu rove tamana ia, i vazao ze de iri koego vano Izirel, i tarama nego Tarama Velaka na bule ia loborona Jesu Kristo, iato i Batu ne qira go osiqira basoero ne.

Zazu Ria Apostoloro 2:36

Go osina basoero na Izirel tarina rove velake Jesu dena, iato qamu paqipaqi bana ze go koluse ne. Mana ia to God i vine ia tina Batu mana i Mesia go.”

Tarama Velaka Ia Jesu Kristo I Karo Go Jon 9:22

Go iru seko gogo dena vanovano ia valeke ne, tanego iru sareki ne qira batubatu ria vano Jiu, tanego batubatu ria vano Jiu dena, iri varitoqe bana ne, “Ṉalu ka basoe ivaogote Jesu i Mesia go, ria tarina va mamanava ze ia zae na Pade Lotu ne.”

Tarama Velaka Ia Jesu Kristo I Karo Go Jon 5:23

I zazu ne iadena, go basoero ne tarina va batua Tuna la, gere so dego iri vabatua go Mamae. Ka basoe iki va batua go kaega Tuna, iki vabatu napua so kaega Tamana i turi ne mego ia ne.

Karua Jon 1:7

Topu ria vano poqepoqe iri goe to osina dia vudu pua, mana basoero dena iriki vaogote kaega Jesu Kristo i lama pala go tokama gere qita ita vano basoe. Basoe igogo nae i poqepoqe mana ikana ne Kristo.

Kameka Korinti 15:47

Adamo kenaqa God i zazu ne ze ia pua, mana i pala too na vudu pua dena, Adamo muzi i reqe me tepa rani ne.

Leta Ia Pol I Karo Ne Qira Basoero Na Rom 15:9

Mana tina vamazala napu qira vano iriki Jiu go kaega go tarina vazaka God sauna manava ia gerena i sine go Buka tabo ne, “Era tuna vazuka zigoe aro God vari lobori qira vano iriki Jiu go kaega, mana tuna kera vazaka ze vitoṉomu aro go.”

Tarama Velaka Ia Jesu Kristo I Karo Go Jon 20:28

Pasi nae Tomasi igo de, “Batu erae mana God erae!”

Tarama Velaka Ia Jesu Kristo I Karo Go Jon 17:1

Ṉalu Jesu i sine lupo pataro dena, i kadeka qe rani ne mana i pepene, igo de, “Mamae, ṉalu ne i lama doka to, vasadaka ze karaputa mazala aro de ikoego Tumu, go Tumu tina vasadake karaputa mazala aro.

Tarama Velaka Ia Jesu Kristo I Karo Go Jon 12:42

Topu vano batubatu ria vano Jiu iri vaogote Jesu, do iri ki sine vasadake kaega, tanego iri sareki ne qira vano Parisio, niki go va mamanava qirae zae na Pade Lotu ne iri go.

Luka 2:11

Ninidena to tepa komala ia Davita, ia tina vakavele qamu i podo, iato Kristo Batu ne!

Tarama Velaka Ia Jesu Kristo I Karo Go Jon 14:23

Jesu ivataule, igo, “Basoe i mamaligara nava go era, tina lulua vari vatatana era. Mamae tina mamaligara ne ia, mana raru Mamae taruna lamae de ikoego ia mana koe loborona iago.

Tarama Velaka Ia Jesu Kristo I Karo Go Jon 13:14

Era qa Batu mana valeke vari vatatana ramu, do qa sabore makeqamu gere valeke seka ne, ramu muna vari saboro ne makeqamu go.