Pilipae 1:18 - Vato Vari Vakameka Voru Ia Batu Ne

¹⁸ I patavolomo so, i totoloṉo ba i kebu vatovato ria, vano iri tarama ne, ba sine vasadaka ze Kristo loborona de iri mazala go, iago era qa kula, tuna kula taru so.

Pilipae 1:18 Referans Kwoze

Luka 9:50

Do Jesu i sine ne Jon mana disipoloro ia, “Muniki va mamanava ze, tanego ka basoe iki va sasakata ne qamu go kaega, i ke ramu to.”

Kameka Korinti 15:11

Iago patavolomo akena qamu pala ze go Tarama Velaka, de qa koego era ba kero ne apostoloro, ia dena to pata qi tarama ne go remu, mana iato dena pata tamuna vaogote go ramu.

Kameka Korinti 14:15

Iago avana to tuna zazu ne? Era tuna pepene ne seko ia Spirit tabo era, mana tuna pepene ne seko era go, tuna kera ne seko ia Spirit tabo era, mana tuna kera ne seko era go.

Maka 12:40

Iri vaqoqo qira qole ro nanaro mana iri pala siko qirae patapataro ria mana ṉalu iri pene go iri vazaka napu ne pene loda ro ria go. Qamu rove lepulepu ria tina lete lavata sivala.”

Matiu 23:13

Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Kameka Korinti 10:19

Avigo tane talukasana pata qa sine go era sauna pata gege iri tavatavara ne za qe beku, i zari mazalana?

Leta Ia Pol I Karo Ne Qira Basoero Na Rom 6:15

Iago avana to mata zazu ne, tanego ita qata koe polana Mana ia God, mana qatiki koe kaega polana tamana, kadi go i velaka so ita mata vasakata pata so ba? Kaega!

Leta Ia Pol I Karo Ne Qira Basoero Na Rom 3:9

Iago ita vano Jiu qata lete velaka sivala ne qira vano iriki Jiu go kaega ba? Kaega! Era qa sine vasadaka bana, vano Jiu mana vano iriki Jiu go kaega iri varipada so, mana iri ko lupoe so karaputa ia vasakata pata.

Luka 9:45

Do disipoloro ia iriki nanao rove so kaega, avana tane iva talupasa ze go seko ni sine ne qira go Jesu. Tanego God i pika ne qira, sauna pata dena, tarina gata, do tariniki rove kaega talupasana, mana iri sareki napu ne tana ne na avana tane talupasana seko ia i sine go.

Pilipae 1:19

Tanego era qa rove, loborona pepene ramu mana vari vatatavisi i reqe me Spirit ia Jesu Kristo, era tuna talukasa.