Matiu 9:36 - Vato Vari Vakameka Voru Ia Batu Ne

³⁶ Ṉalu Jesu i mia qira basoero ne i lete vananame de iri gogo, tanego iriki ko kula kaega iri ko vana so, gere sipi ikaega go kaki tina miasoka qira go.

Matiu 9:36 Referans Kwoze

Maka 6:34

Ṉalu Jesu i siporo kasi neme go koluka ne, i mia qira basoero topu dena i lete nanao qira, tanego iri gere sipi ro i kaega go kaki m miasoka qira go. Iago i vatatana qirae topu pata.

Matiu 14:14

Ṉalu Jesu i za dokae rikisi ne i mia qira topu sasakata basoero, puṉuna i lete nanao qira mana i vatavoisi qira vano iri mokoso go.

Matiu 15:32

Jesu i koru qira disipoloro ia tarina lamae de ikoego, mana i sine ne qira, “Era qa lete nanao qira basoero dena, tanego iri ko tavisi qita torana kapisa musaqara, mana i kaega ne qira to pata gege iago, qaki soko kaega tuna turi vagado qira ṉalu iri saqo go dena, tanego iri niki za memelake zuka ne.”

Matiu 15:24

Do Jesu igo, “God ituri nava era sauqira basoero na Izirel, iri gere go tunana ro sipi iri rore go.”

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Matiu 10:6

Do muna zae de iri koego basoero na Izirel iri gere go sipi ni rore go.

Maka 8:2

“Era qa lete nanao qira basoero dena, tanego iri kotavisi qitae dena torana kapisa musaqara mana i kaega ne qira pata gege.