Matiu 6:33 - Vato Vari Vakameka Voru Ia Batu Ne

³³ Iago taru kenaqa zaqe puṉu qamu dekoe vari miasoka ia God mana muna zazu ne pataro i soko qamue go. Ṉalu gogo nae God tinara tekene qamu kero ne pataro.

Matiu 6:33 Referans Kwoze

Luka 12:31

Do ramu muna nanao kenaqa zaqe Too ikoego vari miasoka ia God. Mana ia tina teke ne qamu osina pataro qamu soko go.”

Matiu 5:6

Kula basoero iri lene go zazu ne na pataro i soko go Batu ne. Tanego God tinara teke ne qira pataro iri soko go zazu ne na.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Matiu 19:29

Mana osiqira ria iri kasi ne pade ria, togaqira ba vavaniqira, tamaqira, sinaqira, ba salero ria ba barue ro ria sauqu era, tarina pala vatopu napua kameka vasa sivala ne de iri kasi bana nego, mana tarina toṉove too iki rove go kaega lupo go.

Leta Ia Pol I Karo Ne Qira Basoero Na Rom 8:31

Ṉalu qata nanao lulusu zaqe go pataro dena, avana mata vane to? Mana ṉalu God ikoego tepa ita, akena to go i mazala go vakuziki ne qitae go ita? Kaega to kaki basoe i mazala go.

Kameka Timoti 4:8

Qiso ne i vamoqere tokama, ianae i velaka, do i lete velaka sivala tata vakaraputa go too kristiano ita, tanego ianae i mazala tavisi ne qitae ita topuna dia. Loborona too ninidena mana too ṉalu muzi go.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Leta Ia Pol I Karo Ne Qira Basoero Na Rom 1:17

Tanego Tarama velaka i vasadake de igogo God i vatotoloṉo napu me qira go basoero ne de ikoego tanuna. Gerena i sine go Buka tabo ne. “Basoe i vatotoloṉo napua go vaogoto ia de ikoe go God, basoe nae tina pala too ogoto.”

Pilipae 3:9

Mana ma ko kameka e de ikoe ia. Era i kaega nava ka totoloṉo tanuqu, gerena mimia na basoe i lulua go Tamana. Ninidena era qa pala too totoloṉo i teke nava God loborona ruqe na Kristo, vaogoto ireqe me God, i kutamana vaogoto.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Matiu 4:17

Torana ṉalu nae Jesu iva tupiana ne tamana qira basoero, “Muna manava sakata ne vasakata pataro ramu, tanego vari miasoka ia God i lama garogaro.”

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Karua Tesalonika 1:5

Osina pata ro dena i vasadake varitanae ia God de iri koego basoero ne itotoloṉo, mana urena pataro dena, ramu itora qamu to pala na Too ikoego vari miasoka ia God, sauna vokara ro ramu.

Leta Ia Pol I Karo Ne Qira Basoero Na Rom 10:3

Iriki rove kaega zuka na de igogo God go i vatotoloṉo girae go basoero ne de ikoego tanuna. Iri lete pada neso valuluze na vatovato ria tanuqira, iago iriki vamaone kaega God go tina valulu ze go zuka na de gogotina vatotoloṉo ze go basoe de ikoego tanuna.

Zazu Ria Apostoloro 28:31

I tarama ne Too ikoego vari miasoka ia God mana i vari vatatana ne sauna Batu Jesu Kristo, i seko va karaputa ne mana kaega ka basoe iara va noto ze go ia sauna tamana ne na too ikoe go vari miasoka ia God.

Karua Pita 1:11

Mana God tina va mao ne qamu keba zana vudu voru iki rove go kaega za lupo. Vudu nae ne, iato i za ko Batu ego Jesu Kristo Batu ita ne.

Karua Pita 1:1

Era Saimon Pita qa basoe zazu mana apostolo ia Jesu Kristo. Qa karo ne qamu ramu i teke ne qamu go God va ogoto, i gere go vaogoto reremu, tanego Jesu Kristo ia i God, i vakavele qita i lete velaka sivala.

Luka 1:6

Too riru ne, i totoloṉo e loborona nanao na God, iru lete lulua seko ia God mana tamana ro ia.

Kameka Korinti 3:22

Patavolomo era Pol, ba Apolosi, ba Pita, mana kolabana pua dena, too mana le, pataro i ko ninidena, ba pataro tinara lama, osina pataro dena i ke ra ramu.

Zazu Ria Apostoloro 20:25

“Era qa go lupoe de gamu koego, qa tarama ne de igogo vari miasoka ia God, mana ninidena qa rove, kaega kakia ramu basoero dena tamunara mia va era.

Matiu 19:28

Jesu i vataule ne qira, “Ma sine ne qamu pata ogoto, ṉalu God tina va voru lupo osina pata, era Tuna basoe tuna koloku e de koko batubatu ne mana vatovato e loborona karaputa ia God. Ṉalu nae ramu manoga karua qamu lulu ava go era, tamuna koloku napue de kolokoloku batubatu mana kenaqa ne qira manoga karua sinaqe na Izirel go.

Tarama Velaka Ia Jesu Kristo I Karo Go Jon 5:4

tanego aqelo ia God tina lamae besi bolu ne mana lama vizua go. Mana basoe mokoso tina za kenaqe go loka ne tina tavoisi go.