Matiu 25:1 - Vato Vari Vakameka Voru Ia Batu Ne

¹ Gonae Jesu i sine, “Too ikoego vari miasoka ia God i gere manoga qole iri pala za pazi ria, mana iri za go mara ria soba valeke i vavanama nego busi ne.

Matiu 25:1 Referans Kwoze

Revaleson 19:7

Ita mata kula mana gasi, mata vazakazaka vitoṉona ia! Tanego ṉalu ia Tunana Sipi ne tina busi go, i lama doka to, mana qole ia i vanama napu neto busi riru go.

Revaleson 21:9

Kaki kameka aqelo i za lamae de qa koego era, aqelo dena iato vavituna go aqelo i pala bana go ebata lavata i purake go vavituna pata vari va makuru ne. Gonae igo dena, “Lama go ma vamia goe era qole ia Tunana Sipi niara busia go.”

Revaleson 21:2

Gonae qa mia komala tabo Jerusalema i ko tavise God mana i qoqoro me tepa rani ne, komala nae i vanama gere kameka qole i malemale vanama ne soba na velake ia.

Tarama Velaka Ia Jesu Kristo I Karo Go Jon 3:29

Ṉalu kaki valeke i ara busia kaki qole, qole nae i ke iato valeke nae, do vakitaka ia valeke ni busi go i lama ko garogaro mana gatagata go, ia tina lete kula sivala ṉalu tina gata go seko na valeke busi ne. Tina go napu so kula era go.

Matiu 13:24

Jesu i sine napu ne qira kakia seko vapadapada, “Too ikoego vari miasoka ia God i gere ṉalu kaki valeke i leba ze paturu velaka na vuiti loborona barue ia.

Revaleson 14:4

Valekero dena iri vano ko sisiama, iriki ko tavise kaega ka qole, iri ko dalo osina ṉalu iri lulu tarua Tunana Sipi ne. Ria to dena i bauru ne qira go God, i vakasi ne qirae de iri koego vano na vudu pua dena, mana ria to iri sosovolomo kenaqa iri teke ne zaqe God mana Tunana Sipi ne go.

Taetusi 2:13

Tanego ita qata piri ne musaqara qata vaogote go tina lama doka, mana ṉalu nae karaputa mazala ia Jesu Kristo i God mana vari vakavele ita tina sadaka me.

Matiu 22:2

Igo, “Too ikoego vari miasoka ia God i gere, ṉalu kaki batu lavata i vanama ne kelo busi na sale valeke ia.

Karua Timoti 4:8

Iago God i soti bana voliqu, mana vano iri valupo velake go vari vose ne go, Batu Jesu Kristo iato i tavine ne go tina zazu nego vivine ṉalu musaqara muzimuzi, tina teke nava go voli qu. Mana loborona to musaqara nae, ia tina teke napu ne qira kameka ado na voli igogo ne, de iri koego ria iri rove go ia, mana iri piri ne ṉalu ia tina ule mego.

Matiu 3:2

Igo, “Manava sakata mana kavale vatovato sakata ro ramu, tanego de ikoego vari miasoka ia God i lama garogaro!”

Kameka Korinti 11:2

Qa vazaka qamu, tanego qamu nanao taruava era, mana osina ṉalu qamu lulua vari vatatana qa teke bana ne qamu go.

Matiu 20:1

Gonae Jesu i sine napua, “Too ikoego vari miasoka ia God, i gere kameka valeke i zaza va sarusaruku, i taqi qira basoero tarina zazu e barue ia mana tina voli qira go.

Matiu 13:47

I gere napua so, “Too ikoego vari miasoka ia God, igere na so ṉalu vano tatava iri koku ze gabe ria masi ne gonae topu soso ado na iṉana i lama gona gabe ne.

Matiu 13:38

Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Revaleson 4:5

De kolokoloku ia batu ne, i za reqe me tatavatana ro kapi. Nae ne qa gata zaqe qumara na ro pakala i sorue go. Tarakenaqana de kolokoloku ia batu ne, i kamue kavitu pazi, ria nae kavitu Spirit velaka ia God.

Karua Korinti 11:2

Era qalete nanao qamu gerena God i lete nanao qamu go ramu. Ramu qamu gere kameka qole i lete dalo sivala, mana era tane qava tamatura ze ia kameka valeke nae, iato valeke nae tanuna to Kristo.

Matiu 9:15

Jesu igo, “Avigo, qamu nanao ria iri lama kotavisi go ṉaṉa vari va busi ne tarina maqata, ṉalu iara ko tavisi qira go valeke busi voru ne ba? Kaega! Ṉalu tarina pala vakuziki ne qirae to valeke busi voru ne, ṉalu nae to iri ara mazala go qaniqani go.

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Zazu Ria Apostoloro 20:8

Topu pazi iri vakamu ze go kova zakazaka na pade, de qi teṉo pepeu ego.

Matiu 13:31

Gonae Jesu i sine napu ne qira kakia seko vapadapada, “Too ikoego vari miasoka ia God i gere kaki valeke i pala paturu na mastad mana i leba ze barue ia.

Matiu 25:7

Ria manoga qolero ne iri dogara mana iri valavate pazi ro ria.

Tarama Velaka Ia Jesu Kristo I Karo Go Jon 18:3

Iago Jiudas i lulu qira me kaki taotao na soldia ria vano Rom mana vano iri miasoka go Pade Lotu ne, iri turine me qira go vano batu ria patere ro mana vano Parisio go, iri pala me pazi mana pata varitara ro go.

Revaleson 8:10

Vapisana aqelo ne i puqo napua kuvili ia. Kameka domiri lavata i kamu, igere uquluna nako ne i reqe mego rani ne, i lama sorue takoborona besi uguru ne, mana besi sukasuka ro go.