Matiu 24:8 - Vato Vari Vakameka Voru Ia Batu Ne

⁸ Osina pataro dena, i gere qole ṉalu i vovokara ne vapodona sale.

Matiu 24:8 Referans Kwoze

Kameka Tesalonika 5:3

Basoero ne tarina go de, “Ninidena i kaega ka pata vari va sareki, iago ita qata ko velaka so.” Do goso nae varivasakatae i doka qira, mana i makuru qira tarina paqa ne. Tina gere qole i poloso ne vokara i pala go, ṉalu i vanama nego vapodo na sale ia.

Maka 13:8

Vano na kaki komala tarina varitarae de iri koego basoero na kene komala. Basoero na kaki vudu tarina varitarae kene vudu. Nunu lavata ro tina lama vizua go osina dia pua ne, mana saqo lavata tina lama pala qira go basoero ne. Pataro dena tina gere vokara na sale ni vele podo go.

Luka 21:12

Do tarakenaqa na pataro dena tinara sadaka go, basoero ne tarina pala qamu mana vasasakata ne qamu, mana tarina vazao qamue Pade Lotu ria vano Jiu, tarina varitanae ne qamu mana tarina taru qamue bara, tarina pala vazao qamue de iri koego ria batubatu ro ria mana qavuna ria, tanego i sauqu era.

Jemisi 5:1

Ninidena ramu vano vavagado muna gatava era. Vokara mana dae lavata tina dokae go de qamu koego tina lete sakata sivala.