Matiu 24:15 - Vato Vari Vakameka Voru Ia Batu Ne

¹⁵ Jesu igo napu dena, “Propeta Daniela i sine vasadaka bana, ṉalu batu lavata ne i vadegere ze beku ne loborona pade tabo ne, ianae i lete sakata sivala. Basoe qo toere go iade, ono pada ne nanaorove na talupasana.

Matiu 24:15 Referans Kwoze

Maka 13:14

Jesu i sine napu ne qira, “Ramu tamuna mia kaki pata sakata tina degere de iki torago kaega degere na loborona Pade Lotu ne. Basoe i toere go seko dena mara nanao rove talukasana pata dena. Ṉalu nae basoero iri koego kena Judia tanna paqa mana za pipikae kubolo ro ne.

Luka 21:20

Jesu i sine napua, “Ṉalu ramu tamuna mia qira go vano degara ro tarina liqute go komala Jerusalema, ramu tamuna rove i garogaro to ṉalu go tarina vasakate go komala lavata ne.

Revaleson 1:3

I kula sivala basoe i toere valavate go seko na buka dena, mana iri lulua go pataro iri karo ze go. Tanego i garogaro to ṉalu tina sadaka go pataro dena.

Luka 19:43

Tina lama doka ṉalu vano tarina kana ne qamu, tarina lama vari tara, tarina lama kolo ne qamu, mana koku lupo ne osina dia, go kaega kakia tinara paqa siporo go.

Iburu 2:1

Iato dena to kutamana, iago ita mata pala taru vanadua ogotona pata qata gata go, go tataniki zaza kakavata go kaega.

Zazu Ria Apostoloro 6:13

Gonae iri vakeba qira kakiaro valeke ro, go tarina lama sine seko poqe sauna ia, iri go, “Valeke dena,” i poro seko vasakate Pade Lotu tabo ita mana Tamana ro ia Mosese go.

Revaleson 3:22

Ramu i kone qamu go qeqele muna gata seko ia Spirit tabo iri sine go eklesia ne.”

Zazu Ria Apostoloro 21:28

Iri kara me, iri go dena, “Basoero na Izirel! Lama tavisi qemu remu, ia to valeke dena i goe go osina dia, mana i vatatana qira basoero topu. Mana i seko vaqoqoro qira basoero na Izirel mana Tamana ro ia Mosese, mana Pade Lotu dena go. Mana ninidena ipala me qira kakia ro vano iriki Jiu go kaega loborona pade lotu dena, mana iri lama vakore to de tabo dena go.”

Tarama Velaka Ia Jesu Kristo I Karo Go Jon 11:48

Ṉalu tatana koso mana ki vanoto kaega gogo ne, osiqira basoero ne tarina vaogote ia, ṉalu nae vano batubatu na Rom tarina lama pabale Pade Lotu ita, mana basoero na vudu ita go!”

Matiu 24:16

Ṉalu tina doka go pataro dena, ramu qamu koego Judia muna paqa za kubolo mana pipika go.